Traktor Mittelherwigsdorf – Viktoria Worklecy 0:3 (15:25, 16:25, 19:25)

Za Viktoriju Worklecy hrajachu: Marko Brězan, Jan Bětnar, Clemens Eckert, Stefan Gedik, Jurij Lipič, Marcel Rjelka, Daniel Wałda a Stephan Wjeńka; coach: Ludwig Eckert.

Na zakónčacym treningu Worklečanskich volleyballistow pjatk wječor njebě hišće jasne, štó měł dźeń na to pola­ Traktora Mittelherwigsdorf na poziciji srjedźneho blokowarja hrać. Ludwig Eckert­ je mjenujcy přeco hišće zranjeny. Tak přewza Stephan Wjeńka zamołwitosć: „Sym to hižo trenował, činju to.“ Wjeńka wuži swoju wulkosć ćěła, steješe přeco zaso kaž sćěna před přećiwniski­mi nadběhowarjemi a měješe tak wulki podźěl na wukóncu hry.

Krótko po halowym turněrje w Kulowje su so koparjo Sokoła Ralbicy znowa w hali wubědźowali, tónraz pola Natwara Wojerecy w sportowni powołanskošulskeho centruma Konrada Zusy. Tam běchu delanscy koparjo 3. decembra 2017 druhe městno na wokrjesnych halowych koparskich mišterstwach wobsadźili. Poprawom bě to dobry omen.

Tydźenja přihotowaše so Serbska koparska wubranka žonow za přichodny wulki podawk lěta, a to na turněr w juliju w Šwicarskej. Přeprošenje za njón běchu wot Retoromankow na europeadźe 2016 w Južnym Tirolu dóstali.

Hoßmang zrěčenje podlěšił

wutora, 30. januara 2018 spisane wot:
Martin Hoßmang, kopar regionalneho ligista Budissy Budyšin, je swoje zrěčenje z Budissu wo lěto podlěšił. Tež přichodnu sezonu budźe Hoßmang, kiž je lěta 2013 z Plauena do sprjewineho města přišoł, w Budyšinje hrać. Foto: Torsten Zettl

Wuslědki (30.01.18)

wutora, 30. januara 2018 spisane wot:

Koparske tabulki

Młodźina C, wokrjesna liga, stafla 3

1. Módro-běli Kulow 9   118:9  27

2. SV Haselbachtal 10   32:30 16

3. HZ Njeswačidło/Rakecy 9  40:35 15

4. Zeleno-běli Sepicy 7   36:31  15

5. HZ Bukecy/Kubšicy 10   30:41  15

6. SC Großröhrsdorf II 9  27:48  10

7. Wojerowski FC II 8 26:54 9

8. HZ Budyšin/Budyšin 11  27:62 9

9. TSV 90 Wjazońca 9 20:46 6

Młodźina D, wokrjesna wyša liga

1. ST 1922 Radwor 12 101:13 34

2. FV Ottendorf-O. 05 12 101:25 31

3. ST Porchow 11 114:18 30

4. Biskopičanske KT II 13   75:52 27

5. Módro-běli Kulow 12   53:31 20

6. SC Großröhrsdorf 13 35:52  20

7. TSV Połčnica 12 40:42 17

8. Jednota Kamjenc II 13  49:68 13

9. HZ Hory/Ćisk 12 27:72 10

10. ST Horni kraj-Sprjewja 13   15:72 6

11. ST Kinspork/Łužnica 13   26:84 4

12. ST Póst Budyšin 12   16:123 3

Młodźina D, wokrjesna liga, stafla 1

1. Motor Kumwałd 11 76:14  31

2. HZ Bukecy/Kubšicy 11 144:15  30

3. HZ Malešecy/Budyšink 10  68:20  24

4. HZ Załom/Wjernarjecy 10   45:31  19

5. ST Wulka Dubrawa 10   47:63  15

6. TSV Wjazońca 12 37:74 15

7. HZ Hnašecy-Dobruša 10   30:46 9

8. SZ Wjelećin 10 19:41 9

9. Bartske ST 11 32:72 9

10. ST 1922 Radwor II 9 18:85  6

11. TSV Wóspork/Hrodźišćo 10  18:73 3

Po dobyću srjedźoněmskeho cupa seniorow 2016 w Dessauwje a slěbra na sakskich mišterstwach 2017 w Ehrenfriedersdorfje hrajachu volleyballisća Bu­dyskeje FSG a Sportoweho towarstwa Marijina hwězda třeći raz zhromadnje wo najlěpše rezultaty na sakskim wuri­sanju 2018. Nimo kombinowaneho cyłka z pjeć serbskimi hrajerjemi dojědźechu sej dalše štyri zastupnistwa do Lubija, zo bychu so wo titul krajneho mištra seniorow nad 53 lětami wubědźowali. W turněrowej formje hrajachu cyłki kóždy přećiwo kóždemu dwě sadźbje.

Mustwo Budysko-Pančičanskich volleyballistow startowaše z 2:0 přećiwo BSV Ehrenfriedersdorfej, hačrunjež w prěnich dźesać mjeńšinach wšitko kaž na štryčku njeběžeše. Hrajerjo wokoło kapitana Marka Kowarja so w dalšim wotběhu lěpje­ na so nastajichu a skónčichu partiju z 25:21 a 25:18. Přećiwo amtěrowacemu kaž tež nowemu sakskemu mištrej, SZ Motor Thurm, wisachu kiće jara wysoko. Łužičenjo mějachu w přijimanju nadaćow swoje ćeže, štož so na hrajny natwar wuskutkowa. Tak radowachu so senio­rojo z Thurma, města blisko Šwikawy, nad jasnym 25:17 a 25:15.

Nimale wšitko wotrumowali

póndźela, 29. januara 2018 spisane wot:

Tež lětsa bě sej KST Łuty koparske rezerwy na halowy turněr do braniborskeje Hóznje (Hosena) přeprosyło. Po lońšim 2. městnje wobdźěli so tež znowa druhe zastupnistwo Chróšćanskeje SJ na wurisanju. A bě sej kruće předewzało tónraz dobyć. Hnydom prěnju hru přećiwo SZ Kropni (Kroppen) II móžeše tež jasnje ze 4:1 za sebje rozsudźić. W druhej partiji přećiwo KST Łutam II je tohorunja z 3:0 suwerenje dypkowało. Při tym staj wosebje Jan Bogusz a Tomaš Domaška napadnyłoj. Wobaj zamóštaj w nadběhu derje bul dźeržeć a přihrawać. Třeća 14mjeńšiska hra žadaše sej wot Chróšćanow wjele wutrajnosće, a tak koncentracija škita pomału popušćeše. Bjez wjacorych wotwobaranych bulow wrotarja Józefa Matješka bychu bjezmała přěhrali. Přiwšěm woni njerozsudne 2:2 přećiwo ST Lubušej II hač do kónca zachowachu.

Widźał, słyšał, napisał (29.01.18)

póndźela, 29. januara 2018 spisane wot:
Awtor dźensa Jurij Nuk

Kónc lěta je cyle wěsće nimale kóždy sportowc wo wukonach w swojej družinje přemyslował. Kóždy chce wšak wědźeć, hač su so nałožene mocy a wudawki zadanili. Tajka bilanca wuspěchow aktiwnych běharjow po srjedźnych a dołhich čarach w minjenej sezonje 2017 we wobłuku doskónčneho zaměstnjenja, wuhódnoćenja a mytowanja hłowneju rjadneju lisćinow našeju Łužicow, Wopačanskeho cupa běharjow a Łužiskeje běhanskeje serije kaž tež Drježdźanskeje wobwodneje serije, je zrealizowana. Poslednje lońše hódnoćenske wubědźowanje za Wopačanski cup kaž tež za Drježdźansku seriju běše 17. Biskopičanski Butrowohórski­ běh w septembru, a za Łužisku seriju běše to 39. Oberlichtenauski silwesterski běh.

Sport (26.01.18)

pjatk, 26. januara 2018 spisane wot:

Młodźina za bulom honi

Sportowe towarstwo 1922 Radwor wuhotuje wot pjatka, 2., do njedźele, 4. februara, wjacore halowe koparske turněry za dorost w „Slaviji“. Pjatk wot 19 do 23 hodź. přewjedu turněr młodźiny A. Sobotu wot 9 do 13 hodź. hraja cyłki młodźiny F, wot 14 do 18 hodź. zastupnistwa młodźiny C a wot 19 do 23 hodź. młodźina B. Njedźelu wot 9 do 13 hodź. budźe wurisanje młodźiny E a wot 14 do 19 hodź. młodźiny D.

Hwězdźički doma hraja

Wolejbulistki ST Marijineje hwězdy z Pančic-Kukowa nastupja jutře w domjacej hali wot 14 hodź. přećiwo holcam z Kupoje-Noweje Łuki a wot 16 hodź. přećiwo Lubijej. Najprjedy wubědźuja so hwězdźički z poslednim wobwodneje ligi, po tym z prěnim. Próstwu Pančičanske hrajerki tohorunja maja: Wone py­taja wolejbulistki, kotrež bychu so rady aktiwnje na dypkowych hrach wobdźě­leli. Štóž ma zajim, njech so w Ralbicach pola Haleny Jancyneje přizjewi: abo z krótkej powěsću na Facebooku pod 1. Damen Volleyball SV Sankt Marienstern.

Koparski turněr CDU

Generalka Łužičanow so poradźiła

štwórtk, 25. januara 2018 spisane wot:

FC Energija Choćebuz – Dukla Praha 2:0

Za FCE zasadźeni: Spahić – Starcew, Matuwila (85. Karbstein), Stein, Schlüter, Gehrmann (73. Zickert), Marcelo de Freitas (85. Schneider), Viteritti (64. Baude), Zimmer (33. Graudenz), Weidlich, Boakye (64. Broschinski)

Po jasnych poražkach přećiwo Halle a Magdeburgej z třećeje ligi kaž tež druhemu ligistej je so koparjam FC Energije Choćebuz tydźeń do starta dypkowych hrow (28.1. pola Chemije Lipsk) porjadna ge­neralka poradźiła. Mustwo Dukla Praha z prěnjeje koparskeje ligi Čěskeje porazychu woni z 2:0. Ze spěšnymi akcijemi a stajnje wěstym škitom, kotryž měješe jara dobry přehlad, dyrbješe wrotar Avdo Spahić do połčasa jenož jednu wulkošansu hosći wotwobarać. Zasłužene wrota, kotrež běchu na kóždy pad zasłužene, pak hakle pozdźe padnychu. Najprjedy trjechi Marcel Baude po rjanej přihrawce 17lětneho Moritza Broschinskeho w 76. min. A šěsć mjeńšin na to třěli kapitan Marc Stein kónčne 2:0.

Serbska debata

nowostki LND