Sport (26.01.18)
Młodźina za bulom honi
Sportowe towarstwo 1922 Radwor wuhotuje wot pjatka, 2., do njedźele, 4. februara, wjacore halowe koparske turněry za dorost w „Slaviji“. Pjatk wot 19 do 23 hodź. přewjedu turněr młodźiny A. Sobotu wot 9 do 13 hodź. hraja cyłki młodźiny F, wot 14 do 18 hodź. zastupnistwa młodźiny C a wot 19 do 23 hodź. młodźina B. Njedźelu wot 9 do 13 hodź. budźe wurisanje młodźiny E a wot 14 do 19 hodź. młodźiny D.
Hwězdźički doma hraja
Wolejbulistki ST Marijineje hwězdy z Pančic-Kukowa nastupja jutře w domjacej hali wot 14 hodź. přećiwo holcam z Kupoje-Noweje Łuki a wot 16 hodź. přećiwo Lubijej. Najprjedy wubědźuja so hwězdźički z poslednim wobwodneje ligi, po tym z prěnim. Próstwu Pančičanske hrajerki tohorunja maja: Wone pytaja wolejbulistki, kotrež bychu so rady aktiwnje na dypkowych hrach wobdźěleli. Štóž ma zajim, njech so w Ralbicach pola Haleny Jancyneje přizjewi: abo z krótkej powěsću na Facebooku pod 1. Damen Volleyball SV Sankt Marienstern.
Koparski turněr CDU
Generalka Łužičanow so poradźiła
FC Energija Choćebuz – Dukla Praha 2:0
Za FCE zasadźeni: Spahić – Starcew, Matuwila (85. Karbstein), Stein, Schlüter, Gehrmann (73. Zickert), Marcelo de Freitas (85. Schneider), Viteritti (64. Baude), Zimmer (33. Graudenz), Weidlich, Boakye (64. Broschinski)
Po jasnych poražkach přećiwo Halle a Magdeburgej z třećeje ligi kaž tež druhemu ligistej je so koparjam FC Energije Choćebuz tydźeń do starta dypkowych hrow (28.1. pola Chemije Lipsk) porjadna generalka poradźiła. Mustwo Dukla Praha z prěnjeje koparskeje ligi Čěskeje porazychu woni z 2:0. Ze spěšnymi akcijemi a stajnje wěstym škitom, kotryž měješe jara dobry přehlad, dyrbješe wrotar Avdo Spahić do połčasa jenož jednu wulkošansu hosći wotwobarać. Zasłužene wrota, kotrež běchu na kóždy pad zasłužene, pak hakle pozdźe padnychu. Najprjedy trjechi Marcel Baude po rjanej přihrawce 17lětneho Moritza Broschinskeho w 76. min. A šěsć mjeńšin na to třěli kapitan Marc Stein kónčne 2:0.
Tež nowačkaj derje sobu hrałoj
Poprawom chcyše sej prěnje koparske mustwo Natwara Němske Pazlicy pućowanski pokal po 15. bulowej nocy na přeco zdźeržeć, štož pak so jemu bohužel njeporadźi. Přihladowarjo dožiwichu w Kamjenskej sportowni při lětanišću wobhladanjahódnu kopańcu. Tež wyšeho měšćanostu Kamjenca Rolanda Dantza móžachu zamołwići Natwara Němske Pazlicy witać a so jemu kaž tež sponsoram za wjelelětnu podpěru dźakować.
Tradiciski turněr z dźesać mustwami měješe lětsa z Bartskim ST 90 a ze Zeleno-běłymi Hórki nowačkow. Wobaj cyłkaj so bjez ćežow do turněra zarjadowaštej a pokazaštej, zo njejstej jenož k wjeselu do Kamjenca přijěłoj. Wosebje Bartscy koparjo přećiwnikow porjadnje wužadachu. Ze solidnym wukonom přesadźichu so hač do finala. Tam čakaše na nich sylne zastupnistwo Sportoweje jednotki Njebjelčicy z wusahowacym Frankom Ričelom. 24. partija turněra, kotraž bě zdobom kónčna, bě hač do poslednjeje sekundy napjata. Po bjezwrotowych dźesać mjeńšinach dyrbjachu wokoło połnocy kopy ze zdalenosće dźewjeć metrow rozsudźić. Mužojo z Njebjelčic mějachu tu wjetše zbožo.
Sport (24.01.18)
Koparske tabulki
Młodźina A, wokrjesna liga, stafla 1
1. HZ Kubšicy/Bukecy 9 57:12 22
2. HZ Biskopicy/N. Město 8 40:9 22
3. HZ Radwor/Wulka Dubr. 9 22:15 20
4. SJ Chrósćicy 9 19:28 7
5. ST Horni kraj-Sprjewja 9 16:46 6
6. Póst Germania Budyšin 9 20:50 5
7. ST Hnašecy-Dorbuša 7 12:26 4
Młodźina A, wokrjesna liga, stafla 2
1. HZ Kamjenc/Kinspork 13 42:31 28
2. HZ Bretnig-H./Połčnica13 41:33 24
3. HZ Großn./Lomnitz13 30:28 24
4. SC 1911 Großröhrsdorf 12 53:33 22
5. HZ Ćisk/Łaz 12 28:24 21
6. HZ Hlinowc/Pančicy 13 28:36 14
7. FV Ottendorf-Okrilla 13 2:35 10
8. TSV Wachau 13 24:5 2 7
Młodźina B, wokrjesna liga, stafla 1
1. HZ Wulka Dubr./Radwor 9 51:7 27
2. Póst Germania Budyšin 9 49:18 22
3. ST Horni kraj-Sprjewja 9 49:16 21
4. HZ Bart/Budyšink/Mal.8 19:24 12
5. HZ Ramnow/Porchow 8 33:34 11
6. TSV Wóspork/Hrodźišćo9 22:44 7
7. HZ Njeswačidło/Rakecy9 22:51 6
8. HZ Huska/Palow/Hodźij9 24:60 5
9. SZ Wjelećin 8 12:27 2
Młodźina B, wokrjesna liga, stafla 2
1. HZ Sokoł Ralbicy/Kulow9 55:4 27
2. ST Kinspork/Łužnica 8 27:19 16
3. HZ Großnaund./Lomnitz8 25:18 15
4. HZ Ćisk/Hory8 22:14 13
5. Jednota Kamjenc 8 19:20 13
6. HZ Běła-C./Něm. Pazlicy 8 23:34 10
7. HZ Bretnig-H./Połčnica II9 19:39 9
8. Hermsdorfske ST 8 7:27 3
9. HZ Jězorina Lubuš/Bluń 74 8 7:29 3
Młodźina C, wokrjesna liga, stafla 1
1. Póst Germania Budyšin 10 56:12 28
2. HZ Wulka Dubr./Radwor9 45:15 21
3. SZ Porchow 9 32:23 21
4. HZ Sprjewja/Kumwałd10 34:17 16
5. ST Hnašecy-Dobruša 8 34:17 15
6. HZ Pančicy/Njebjelčicy8 31:16 15
7. HZ Kamjenc/Biskopicy II9 15:37 9
8. HZ Załom/Wjernarjecy10 11:41 7
9. ST Palow-Stachow 10 6:38 4
Heppner a Hausdorf wo wuspěch so postarałoj
Budissa Budyšin – Jednota Kamjenc 2:1 (0:1)
Zestawa domjacych: Ebersbach, Schulz – Patka, Weiß, Bönisch, Schmidt, Heppner, Pfanne, Mack, Hoßmang, Milde, Kunze, Müller, Gehrmann, Rosendo, Hausdorf, Kloß, Wockatz
Zestawa hosći: Wochnik, Metzner – Woko, Ranninger, Sober, Höer, Am Ende, Prentki, Schidun, Schmidt, Tänzer, Charuza, Langr, Vrabec, Häfner, Wölk, Herzig
Regionalny koparski ligist Budissa Budyšin je testowu partiju přećiwo wyšemu ligistej z Kamjenca z 2:1 za sebje rozsudźił. Budyšenjo pak tak njezapočachu, kaž bychu sej to fanojo a zamołwići přeli. Hižo w 14. min. bě faworit w zastatku. Sudnik bě na foul w šěsnatce rozsudźił, a Kamjenski kapitan Eric Prentki pokutny kop wěsće přetwori. Domjacy so chětro prócowachu, Jednota Kamjenc pak bě wěsta w škiće. Ze zastatkom podachu so Budyšenjo do přestawki.
Kupojski krimi – dźěl dwaj
ST Kupoj-Nowa Łuka – Viktoria Worklecy 3:2 (25:22, 25:17, 20:25, 18:25, 15:13)
Tabulka wobwodneje volleyballoweje ligi wuchodneje Sakskeje
1. ST Kupoj-Nowa Łuka 9 27 : 10 25
2. TSV Kundraćicy 7 16 : 10 15
3. CVJM Zhorjelc 7 16 : 14 12
4. Viktoria Worklecy 8 16 : 16 12
5. OSC Lubij 7 14 : 14 11
6. Módro-b. Wojerecy II 7 13 : 14 9
7. SV Mittelherwigsdorf 7 8 : 18 3
8. MSV Budyšin 04 II 8 8 : 22 3
Za Worklecy hrajachu: Marko Brězan, Jan Bětnar, Clemens a Ludwig Eckert, Jurij Lipič, Marcel Rjelka, Józef Krawc, Daniel Wałda a Stephan Wjeńka.
Volleyballistki SGB znowa w sakskim finalu
W Rychbachu pola Lubija wotmě so regionalne volleyballowe finale starobneje skupiny II pod hesłom „Młodźina trenuje za olympiju“.
Mjez wobdźělnikami štyrjoch najlěpšich šulow wuchodneje Sakskeje dobychu holcy 10. a 11. lětnika Serbskeho gymnazija Budyšin (SGB) wšitke partije z 2:0 a pojědu spočatk měrca na krajne finale do Dippoldiswaldy. Hólcy skónčichu turněr na 4. městnje.
Najwuspěšniše holče volleyballowe mustwo SGB je so tuž pjaty raz za sobu za sakske finale skwalifikowało. Dotal wubědźichu sej hrajerki wokoło kapitanki Luizy Šubertec jónu slěbro, dwójce bronzu a jedne 6. městno. Nětko chcedźa talentowane šulerki 10. a 11. lětnika znowa wo medalju wojować. W mustwje tči njesměrnje wulki potencial, štož so w Rychbachu přeswědčiwje wotbłyšćowaše.
Serbski gymnazij Budyšin – Christiana Weisowy gymnazij Žitawa 2:0
Testowu partiju dobyli
SJ Njebjelčicy – SV Großnaundorf 4:2 (3:1)
Zestawa domjacych: Hahn, D. Ričel - Hanuza, Domš, Hrjehor, Pawlik, Kral, Fl. Ričel, Čornak, Lejnart, Haška, Korjeńk, Schulze, Šram
Po třoch treningowych jednotkach steješe za koparjow Njebjelčanskeje SJ nětko prěnja testowa hra w nowym lěće na planje. Woni nastupichu w Kamjencu na kumštnym trawniku přećiwo wokrjesnemu ligistej z Großnaundorfa. Hižo w 3. min. suny kapitan Jurij Haška po derje wuhratym nadběhu bul k nawjedowanju přez liniju. W 16. min. posłuži Sandro Schulze w nadběhu Handrija Korjeńka, a tón postara so wo 2:0. Hosćo z hłójčku z krótkeje distancy pjeć mjeńšin po tym skrótšichu (21.). Chowancy trenarja Handrija Krawčika pak to njezatraši. Po dalšim nadběhu přesadźi so znowa Korjeńk a přetwori krótko do přestawki k 3:1 (44.).
Wuslědki blidotenisa
We wobwodnej klasy podleža blidotenisowe mustwo TTV Hózk/Kulow pola druheho tabulki w Połčnicy snadnje 7:9. Křesćan Měškank z optimalnymi 2,5 dypkami bě najlěpši swojeho cyłka. Tež Maćij Barth (2) a Jens Pětr Meier (1,5) móžeštaj ze sobu spokojom być. Křesćan Domaška (0,5), Michał Měškank (0,5) a Pětr Měškank (0) pak wostachu w hrě daloko pod wočakowanjom. Kulowčenjo steja z 13:9 dypkami na pjatym městnje tabulki.
W prěnjej wokrjesnej klasy přewiny DJK Konjecy II doma poslednjeho tabulki TTC Kamjenc III z 9:6. Rainer Roßmy (2,5) a Dietmar Hrjehor (2) běštaj najlěpšej domjacaj hrajerjej. Tež Rudolf Wittig (1,5), Jurij Brězan (1,5) a Stefen Woko (1) běchu ze swojimi wukonami spokojom. Jeničce Křesćan Gruhn (0,5) w tej hrě trochu přesłapi. Konječanske třeće mustwo podleža pola suwereneho načolnika TuS Gersdorf IV jasnje z 2:13. Jeničkej ličakaj zawěsćištaj sej Olaf Thiela a Frank Šołta.
Hrě kaž dźeń a nóc byłoj
Aktualna tabulka wokrjesneje wolejbuloweje klasy Budyšin – stafla wuchod
1. Sokolnik Wjazońca 18 : 5 18
2. ST Budyšin-sewjer 15 : 8 14
3. MSV Budyšin IV 14 : 9 14
4. ST Marijina hwězda 15 : 9 12
5. ST Chróstawa 14 : 12 12
6. VV Biskopicy 10 : 16 8
7. ST Hnašecy/Dobruša 10 : 14 6
8. TSV Wóspork/Hrodźišćo 10 : 15 6
9. Sokoł Budyšin 2 : 20 0
W swójskej hali witaše prěnje wolejbulowe mustwo ST Marijineje hwězdy načolnika a druheho wokrjesneje klasy Budyšin-stafla wuchod. Wobě hrě chcychu Pančičenjo wězo dobyć, wšako móhli potom hišće cil sezony – prěnje abo druhe městno – docpěć. Z Geraldom Bachmannom a Lukasom Kubicom pak pobrachowaštaj hnydom dwaj nadběhowarjej. Za njeju zaskočištaj Enrico Kral a Jurij Bjeńš. Tež Jakub Langa ze Serbskich Pazlic měješe swój debit w trikoće Marijineje hwězdy.
ST Marijina hwězda – Sokolnik Wjazońca 0:2 (14:25, 18:25)
