Znowa bjez dypka

štwórtk, 16. měrca 2017 spisane wot:

Hertha BSC II

– Budissa Budyšin 2:1 (2:0)

Zestawa hosći: Wohlfeld – Kolan, Baudis (81. Němec), Pfanne, Heppner, Barnickel (63. Milde), Hausdorf, Rosendo, Salewski, Kloß, Žuljević (76. Müller),

Hladajo na tule wonkownu hru steješe trenar koparjow Budissy Budyšin Torsten Gütschow před ćežkim nadawkom. Z Florianom Hänschom, Martinom Hoßmangom a Pavelom Patku dyrbješe wón hnydom třoch hrajerjow narunać, kotrychž njesmědźeše pjateje žołteje karty dla zasadźić.

Minjenu sezonu bě Budissa w Berlinje 2:1 dobyła. Tónraz pak měješe Hertha lěpši start. Najprjedy třěli Fabian Eisele (34.) 1:0, štyri mjeńšiny pozdźišo Mike Owusu z pomocu jědnatki 2:0. Norman Wohlfeld bě jědnatku dźeržał, Owusu pak w druhim pospyće trjechi.

Bronzu dobyli

štwórtk, 16. měrca 2017 spisane wot:
Dippoldiswalde. Volleyballistki Serbskeho gymnazija Budyšin starobneje klasy II su wčera na wubědźowanju „Młodźina trenuje za olympiju“ w kónčnym kole Sakskeje w Dippoldiswaldźe bronzu dobyli a nowy rekord nastajili. Holcy 9. do 11. lětnika běchu štwórte lěto za sobu kónčne koło Sakskeje docpěli. Jako­ najlěpšu hrajerku Sakskeje wuznamjenichu wčera serbsku gymnaziastku Luizu Šubertec z Kamjenca. Wubědźowanje dobyło je holče mustwo Sportoweho gymnazija Drježdźany. Měrko Korjeńk

Pola načolnika wobstali

štwórtk, 16. měrca 2017 spisane wot:

HZ Hórnikečanski jězor

– Sokoł Ralbicy/Hórki II 0:0

Zestawa hosći: J. Matka – Bogusz, M. Matka, Šnajder, T. Matka, Šwejda, Šěn, Čórlich, Schultz, Gerlich

Posledni tabulki Sokoł Ralbicy/Hórki II hraješe pola prěnjeho. Nažel měješe Matka jeno dźesać koparjow k dispoziciji. Jedyn z nich bě něhdyši trenar prěnjeho mustwa Tomaš Schultz, kiž tež po wotchadźe z Ralbic přeco zaso rady wupomha. Hižo do partije běše jasne, zo budu so Sokoljo na defensiwne nadawki koncentrować a wo kóždy bul wojować. Tróšku zboža wězo k tomu słuša a te bě jim poboku, jako w 2. min. bul na žerdź prasny. Hewak přećiwo domjacym woprawdźe kaž murja stejachu.

Tež w druhim połčasu mějachu Sokoljo zbožo, jako hosćićelski nadběhowar samlutki z dwanaće metrow pódla třěli. Tež dwaj pospytaj ze zdalenosće njeběštej žadyn wulki problem za Jurja Matku. Jednu strašnu situaciju pak dyrbjachu hišće přetrać, jako Hórnikečanski rutinjej Maik Preibsch kulowatu kožu na žerdź sadźi. Sami drje Ralbičenjo žane naspomnjenjahódne šansy njemějachu, ale z mužom mjenje njebě to tež runje přelochko.

Sylny wustup z njezasłuženym wukóncom

srjeda, 15. měrca 2017 spisane wot:

SV Babelsberg 03

– Budissa Budyšin 2:2 (1:2)

Zestawa hosći: Wohlfeld – Kolan, Patka, Hausdorf, Heppner, Pfanne, Hoßmang, Žuljević (89. Baudis), Rosendo, Barnickel (73. Hermann), Hänsch (58. Němec)

Prěnju hru jako zamołwity trenar koparjow Budissy Budyšin měješe Torsten Gütschow w Babelsbergu. Po krótkej přihotowanskej fazy chcyše so wón z mustwom rady z najlěpšim wunoškom nawróćić. Z Maikom Salewskim pak pobrachowaše najnazhonićiši stajny hrajer pjateje žołteje karty dla. Prěnje akcenty sadźachu hosćo. 1:0 bě Daniel Hänsch přihotował a Marko Žuljević docpěł (13.). Po tym zo běchu domjacy dwě šansy wuwostajili, woni přez Andisa Shalu wurunachu (27.). Njetraješe dołho a Budyšenjo znowa nawjedowachu. Třělwa nadběhowarja Hänscha dyri do hornjeho třiróžka wrotow (31.). Hosćo startowachu dalše nadběhi, zo bychu třeće wrota docpěli.

Porjedźenka

srjeda, 15. měrca 2017 spisane wot:
We wčerawšim wudaću SN je so do rozprawy wo hłownej zhromadźiznje Sportoweje jednotki Njebjelčicy zmylk zasunył. SJN njeswjeći hakle 2018 swoje 60lětne wobstaće, kaž mylnje wozjewjene,­ ale hižo lětsa,­ potajkim 18. nowembra 2017. Serbske sportowe towarstwo w Njebjel­čicach bu 8. no­wembra 1957 załožene. Awtor prosy wo wodaće za misnjenje.

Bolostnu poražku poćerpjeli

wutora, 14. měrca 2017 spisane wot:

SG Frankenthal

– SJ Njebjelčicy 3:0 (1:0)

Zestawa hosći: Hahn – Zeller, Pawlik, Haška, Hrjehor, Lejnart (82. Janca), Kral, Hanuza, Korjeńk (72. Hoelzel), Hommel, Šołta (63. Čornak)

W Frankentalu njeje so koparjam Njebjelčanskeje SJ wospjet poradźiło dypkować. Najskerje bě w jich hłójčkach hišće euforija ze zašłeho wuspěcha abo blokada twjerdeho hrajnišća dla, kotrež pak bě w porjadnym stawje. Hosćićelscy hrajerjo běchu hibićiwši, spěšniši při bulu a koncentrowaniši w dwubojach. Handrij Korjeńk drje so w 10. min. na prawym křidle derje přesadźi, ale sadźi kulowatu kožu nimo wrotow. Krótko po tym postaji sudnik wólny kop za domjacych, a wótrje třěleny bul zhłójčkowa nadběhowar njedźeržomnje k 1:0 do saka (13.). Do přestawki spytachu Njebjelčenjo wurunać, ale tu so zaso pokaza, zo bě přećiwnik přeco spěšnje při mužu a tak natwar hry myleše. Nimo toho je přez cyły čas rumy w srjedźnym polu wuske dźeržał. Tak akcije Roberta Lejnarta w šěsnatce (28.), Pawla Hrjehorja na prawej stronje (32.) a Korjeńka (41.) bohužel ničo njewunjesechu.

Nowačk w předsydstwje SJN

wutora, 14. měrca 2017 spisane wot:

Dypk po dypku bu pjatk wječor w Njebjelčanskej towarstwowej rumnosći dnjowy porjad lětušeje hłowneje a wólbneje zhromadźizny Sportoweje jednotki Njebjelčicy (SJN) wotdźěłany. Wšitcy stari čłonojo předsydstwa běchu so derje přihotowali a dóstachu jednohłósnje ruku zběhnjenu, zo je nimale 40 přitomnych čłonow z jich dźěławosću w zašłych pjeć lětach spokojom. Na to sćěhowachu nowowólby předsydstwa a rozšěrjeneho předsydstwa. Tež předstajenje kandidatow a wólbna procedura, kotraž běše tajna, wjele časa njetrjebaštej.

„Són w krótkim času wusonjeny“

wutora, 14. měrca 2017 spisane wot:

Zwrěšćenu pjenježnu akciju komentuje dźensa Georg Zielonkowski, naš reporter z Choćebuza.

Wuslědki (14.03.17)

wutora, 14. měrca 2017 spisane wot:

Wokrjesna koparska liga, stafla III

Frankenthal – Njebjelčicy 3:0 (1:0)

Arnsdorf – Großröhrsdorf II 1:1 (1:0)

Großnaundorf – Němske Pazlicy 2:0 (1:0)

Haselbachtal – Němske Pazlicy 4:2 (2:1)

Wóslink/Skaskow – Drjewnica 1:1 (0:1)

1. SG Großnaundorf 15 50  : 15 36

2. TSV Wachau 14 49  : 19 32

3. Natw. Němske Pazlicy 15 38  : 19 32

4. SJ Njebjelčicy 15 27  : 20 27

5. SG Frankenthal 15 36  : 24 26

6. SV Haselbachtal 15 33  : 23 25

7. Zeleno-běli Sepicy 15 37  : 33 20

8. SC Großröhrsdorf II 15 28  : 30 19

9. Arnsdorfske KT 15 21  : 24 19

10. ST Marijina hwězda 14 23  : 22 18

11. SV Hermsdorf 15 22  : 40 16

12. ST Drjewnica 15 13  : 46 10

13. SZ Wóslink/Skaskow 15 16  : 44 8

14. Liegau-Augustusbad 15 17  : 51 5

krajna liga

1. FC Eilenburg 17 47  : 11 45

2. FC Grimma 17 39  : 16 42

3. Jednota Kamjenc 17 38  : 14 38

4. Hohenst.-Eernstthal 17 39  : 26 29

5. Wocl Riesa 17 35  : 31 29

6. VfL Pirna-Copitz 17 29  : 26 24

7. Markkleeberg 16 29  : 33 21

8. FC Lößnitz 17 19  : 27 19

9. Rapid Kamjenica 16 29  : 28 16

10. Přezjednota Niska 16 21  : 28 16

Pokal wuspěšnje zakitowali

póndźela, 13. měrca 2017 spisane wot:

Stari knježa Sokoła Ralbicy wuhotowachu po póstnicach znowa swój tradicionalny koparski turněr. Na njón běchu sej štyri serbske cyłki přeprosyli. Sami pak nastupichu lětsa jeno z jednym mustwom. Kóžde přećiwo kóždemu hraješe stajnje wosom mjeńšin. Sokoljo derje startowachu a porazychu Chróšćanow jasnje 4:0. Njebjelčenjo přewinychu Marijinu hwězdu z 2:0. Zazběh Hórčanow pak so z poražku 0:1 přećiwo Chróš­ćanam nimokuli. Na to sej domjacy a hosćo z Njebjelčic dypki bjez wrotow dźě­lachu. Hórčenjo pak so po dwěmaj do­byćomaj přećiwo Marijinej hwězdźe a Ralbičanam sobu doprědka sunychu. Tak prawje jich najskerje nichtó na zličbowance njeměješe a wšitcy pozabychu, zo su woni zakitowar pokala. W poslednjej hrě dyrbjachu Hórčenjo přećiwo Njebjelčanam­ dobyć. A to so jim tež z najsnadnišim wšěch rezultatow 1:0 zešlachći.

Serbska debata

nowostki LND