Budyšin ma so jako atraktiwne město Łužicy dale a lěpje wuwiwać
Budyšin (SN/JK). Jako centralne město Hornjeje Łužicy ma Budyšin wažny nadawk za hospodarske wuwiće wuchodneje Sakskeje.
Tele stejnišćo wuwić, fachowcow zawěsćić a w projektowych syćach dźěłać su někotre z ćežišćow hospodarskeho spěchowanja města nad Sprjewju. Předewzaćelam a wikowarjom chce wone hišće lěpše wuměnjenja tworić, zo bychu, sami so skrućejo, přinošowali Budyšin jako hospodarske stejnišćo, ale tež jako bydlenske a kulturnosocialne srjedźišćo Hornjeje Łužicy atraktiwnje dale a lěpje wuwiwać.