Jenož kapka na horcy kamjeń poručenje

wutora, 02. junija 2015
artikl hódnoćić
(0 )
Sobudźěłaćer Chróšćanskeho ratarja Jana Wjesele Frank Wawry pruwuje funkciju trawusyčaka. Mnozy ratarjo wužiwaja připowě dźene rjane dny, zo bychu syno dźěłać započeli. Při ćopłym a suchim wjedrje trawa spěšnje schnyje a ratarjo syno  w dobrej kwaliće pod třěchu dóstanu. Foto: SN/Maćij Bulank, Siegfried Holz Sobudźěłaćer Chróšćanskeho ratarja Jana Wjesele Frank Wawry pruwuje funkciju trawusyčaka. Mnozy ratarjo wužiwaja připowě dźene rjane dny, zo bychu syno dźěłać započeli. Při ćopłym a suchim wjedrje trawa spěšnje schnyje a ratarjo syno w dobrej kwaliće pod třěchu dóstanu. Foto: SN/Maćij Bulank, Siegfried Holz

Wčerawši dešć ratarjam a jich polam woprawdźite wolóženje njebył

Budyšin (SN/JK). Dešć wčera a minjenu nóc bě nachwilne wokřewjenje za pola a zahrodki a je zahrodkarjam a ratarjam tróšku předychać dał. Přerěznje něhdźe pjeć do wosom litrow wody na kwadratny meter pak bě jenož kapka na horcy kamjeń.

Jednaćel Zdźěrjanskeje Holanskeje farmy Dietrich Hesse je drje kaž jeho kolegojo dźakowny za małe wodychnjenje, ale woprawdźe pomhane pólnym płodam njeje. „Hdyž změjemy w juniju dwaj tydźenjej rjane słónčne wjedro, da budźe hišće hórje. Suchota, přez zymu bjez sněha a dalšich spadkow zahajena, so dźeń a bóle na wšitke kultury wuskut­kuje. Hdyž widźu na dobrych zahonach Budissy hižo wjetše wupary, móžeće sej předstajić, kak na našich pódach wupada. Skoržić pak njepomha, dyrbimy so tež jónu­ z mjeńšimi wunoškami wotnamakać“, je strózby komentar Hessy. Wšako je wón loni nazhonił, što nadměrne wunoški wuskutkuja, spad płaćiznow a mjenje dochodow. Přiwšěm njebudźe po jeho słowach nihdźe na ničim pobrachować.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND