Wuspěšne žony přichoda poručenje

srjeda, 03. junija 2015
artikl hódnoćić
(0 )
Wodźenja po městach a krajinje pomhaja přiběrajcy při dalšim zeznaću Łužicy. Zo by  atraktiwitu hišće zwyšiła, woblěka so Cornelia Schnippa z Ptačec (2. wotprawa) Wojerowsku serbsku ewangelsku drastu, wodźi pak tež hdys a hdys jako Ursula Katharina von Teschen po měsće. Foto: Ulrike Herzger Wodźenja po městach a krajinje pomhaja přiběrajcy při dalšim zeznaću Łužicy. Zo by atraktiwitu hišće zwyšiła, woblěka so Cornelia Schnippa z Ptačec (2. wotprawa) Wojerowsku serbsku ewangelsku drastu, wodźi pak tež hdys a hdys jako Ursula Katharina von Teschen po měsće. Foto: Ulrike Herzger

Wojerecy (UH/SN). Wjace hač třiceći přede­wzaćelkow z produkcije a posłužboweho sektora Budyskeho wokrjesa bě na wčerawšim šestym dnju předewzaćelkow we Wojerecach. Zarjadowali su tajki dźeń hižo druhi raz we Wojerecach sobudźěłaćerki Kamjenskeje wotnožki Drježdźanskeje Industrijneje a rjemjeslniskeje komory. Za zarjadowanje wuzwolene kino­ „Cinemotion“ zbudźi mjez wobdźělnicow runje tajke připóznaće kaž mjez čłonami wjednistwa domu, kotrež je prěni króć wiki předewzaćelkow wuhotowało. Dobry dohlad dóstachu zajimcy do typiskich žónskich branšow, kaž stej to frizerstwo abo kosmetika. Móžachu so tež k strowemu zežiwjenju poradźować dać.

Bliska łužiska jězorina je bjezdwěla přičina, zo so dźeń a wjac žonow wěnuje turistiskim předewzaćam kaž wodźenjam po městach, krajinje abo jězorach. Tež gastronomiske, posłužbowe a kos­me­tiske wobchody ze sylnym złožowanjom na přirodne a domjace wudźěłki dachu nowe wusměrjenje łužiskich předewzaćelkow spóznać. Mnohe žony zjednoćeja wjacore zajimy do jednoho předewzaća, z čimž su wone wuspěšne.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND