Łužisku jězorinu zaměrnje dale planuja
Kamjenc (AK/SN). Sakski zaměrowy zwjazk Łužiska jězorina swoje plany k zwoprawdźenju dalšich přistawow při łužiskich jězorach dale wjedźe. Zakónčić chce tele prócowanja z twarom přistawa při Sprjewinodołskim jězorje. Tole podšmórny jednaćel zaměroweho zwjazka Daniel Just na jeho wčerawšej zhromadźiznje w Kamjencu. Jednohłósnje schwalichu tam próstwu wo spěchowanje ze srědkow tak mjenowaneho paragrafa 4 za přistaw. Čłonojo zwjazka přepodachu zarjadnistwu jězorinoweho zaměroweho zwjazka nadawk, stajić wotpowědnu próstwu Sakskemu wyšemu hórniskemu zarjadej w Freibergu kaž tež Łužiskej a srjedźoněmskej towaršnosći hórnistwoweho zarjada (LMBV).