Młyny zaručeja z mlěćom dobreho zorna bjezporočnu muku k pječenju
Budyšin (SN/JK). Zahajiwši žitne žně rozhladuja so młyncy za móžnymi dodawarjemi zorna za předźěłanje na kwalitatiwnje dobru muku. Hižo wjele lět praktikuje wjetšina młynow zhromadne dźěło ze stajnymi dodawarjemi, kotřiž zaručeja bjezporočnu kwalitu. Tež składy maja so přihotować. Njeje móžno, cyłe zorno, kotrež je za mlěće předwidźane, w młynach składować. Najebać to maja składy być porjadne a čiste, wšako su w nich žiwidła składowane.