Domjaca ryba budźe tež lětsa zaso w dosahacej měrje w poskitku
Budyšin (SN/JK). Kaž maja so ratarske zawody z wuskutkami a wliwom wjedra bědźić, su tež rybarjo zdźěla ekstremnje potrjecheni. Suche zymske a nalětnje wjedro je tomu polěkowało, zo je wjele hatow jeno dźělnje z dosć wodu pjelnjene. Přidatne móžnosće, haty pjelnić, njewobsteja, a tak wobmjezuje staw wody tež wuwiće a kwalitu plahowanja rybow.
