Na wótry čas znowa přihotowani poručenje

wutora, 04. awgusta 2015
artikl hódnoćić
(0 )
Dźensa předstajištaj Melanie Jursch z bary O´Conners a mějićel hotela „Złoty worjoł“ Manfred Lüdtke maskotku „Senfi“ kaž tež oficialny plakat za lětuše jubilejne 10. Budyske žonopowe tydźenje. Zarjadowar a organizator je Budyske towarstwo Staroměšćanska tejka pod nawodom Franka Haasy, mějićela hosćenca „K zaječemu róžkej“ na Kurta Pchalekowej. Foto: SN/M.Bulank Dźensa předstajištaj Melanie Jursch z bary O´Conners a mějićel hotela „Złoty worjoł“ Manfred Lüdtke maskotku „Senfi“ kaž tež oficialny plakat za lětuše jubilejne 10. Budyske žonopowe tydźenje. Zarjadowar a organizator je Budyske towarstwo Staroměšćanska tejka pod nawodom Franka Haasy, mějićela hosćenca „K zaječemu róžkej“ na Kurta Pchalekowej. Foto: SN/M.Bulank

Jubilejne Budyske žonopowe tydźenje so bliža

Budyšin (SN/JK). K lětušim jubilejnym dźesatym žonopowym tydźenjam, kotrež so wot 18. awgusta do 13. septembra wotměja, čakaja na lubowarjow Budyskeje speciality wosebite překwapjenki. Na kóždy pad budźe to wótra naležnosć, hdyž prezentuje wobdźělenych 17 hosćencow a wobchodow tójšto nowych žonopowych kreacijow. Mjez druhim budźetej to žonopowa torta, kotruž poskići Bänsec pjekarnja na Mužakowskej dróze k zahajenju, a žonopowy cocktail No. 10 z bary O´Conners. W poskitku budu wězo zaso žonopowy lód a wšelake dalše ze žonopom zhotowjene jědźe a napoje. Pječa dožiwi tež ćopła poliwka ze žonopowych kórkow swoju premjeru.

Nowosć k jubilejnym tydźenjam je, zo přewozmje zapósłanc Sakskeho krajneho sejma Marko Šiman (CDU), kmó­třistwo za kulinariski wjeršk sprjewineho města. Na zahajenskim dnju, 18. awgusta prezentuja organizatorojo tež nowu žonopowu družinu – aronijowy žonop.

wozjewjene w: Hospodarstwo
Prošu přizjewće so, chceće-li komentar podać

słowo lěta 2022

nawěšk

nowostki LND