Tworićel łužiskeje jězoriny

srjeda, 16. septembera 2015
artikl hódnoćić
(0 )
Kanale mjez łužiskimi jězorami su runje tajke inženjersko-techniske wukony dźěławych LMBV kaž twar dróhow a přibrjóžnych skrućenskich naprawow. Daloko widźomne znamjo je Zerzawy hózdź mjez Lejnjanskim a Sedličanskim jězorom. 30 metrow wysoka wuhladna wěža dopomina na stawizny krajiny, na wuhlo a to, štož po nim přińdźe. Foto: LMBV Kanale mjez łužiskimi jězorami su runje tajke inženjersko-techniske wukony dźěławych LMBV kaž twar dróhow a přibrjóžnych skrućenskich naprawow. Daloko widźomne znamjo je Zerzawy hózdź mjez Lejnjanskim a Sedličanskim jězorom. 30 metrow wysoka wuhladna wěža dopomina na stawizny krajiny, na wuhlo a to, štož po nim přińdźe. Foto: LMBV

Dwaceći lět towaršnosć LMBV krajinu wuspěšnje rekultiwuje

Na swjedźenskim zarjadowanju składnostnje 20lětneho wobstaća Łužiskeje a srjedźoněmskeje towaršnosće hórnistwoweho zarjadnistwa (LMBV) staji sakski ministerski prezident Stanisław Tilich mjez druhim prašenje: „Što přińdźe po brunicy?“ Wotmołwu je sam dał: „LMBV!“

Tomu tak je, a to wažnosć a trěbnosć wulkeho předewzaća na cyle krótke wašnje zjima. Za hódnoćenje jeho wažnosće a nadawkow je wažne, so trochu na pozadk a wuwiće LMBV dopomnić. Wona je zwjazkowa towaršnosć, słušaca stoprocentowsce Zwjazkej, kotruž Zwjazk po 75 procentach kaž tež Sakska a Braniborska po 25 procentach financuja. 1995 nasta wona po hromadupołoženju towaršnosćow hórnistwoweho zarjadnistwa Łužicy (LBV) a srjedźneje Němskeje (MBV) a přewza tak zamołwity nadawk, hórnisku naslědnu krajinu saněrować.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND