Rozsud tworić njeje lochko

štwórtk, 08. oktobera 2015
artikl hódnoćić
(0 )
Hamorska milinarnja bjezposrědnje při Wochožanskim parku błudźenkow steji nimo Janšojskeje a milinarnje w Čornej Pumpje na lisćinje objektow, kotrež chce energijowy koncern Vattenfall předać. Hač budźe nowy mějićel park błudźenkow dale podpěrać, njeje znate a je skerje dwělomne. Tuž měli za nowymi móžnosćemi pytać. Foto: Michał Kral Hamorska milinarnja bjezposrědnje při Wochožanskim parku błudźenkow steji nimo Janšojskeje a milinarnje w Čornej Pumpje na lisćinje objektow, kotrež chce energijowy koncern Vattenfall předać. Hač budźe nowy mějićel park błudźenkow dale podpěrać, njeje znate a je skerje dwělomne. Tuž měli za nowymi móžnosćemi pytać. Foto: Michał Kral

Koncern Vattenfall budźe ze zajimcami zasadnje jednać dyrbjeć

W Sakskej a Braniborskej wobhospodari energijowy koncern Vattenfall tuchwilu hišće pjeć wuhlowych jamow a tři milinarnje: Janšojce, Čornu Pumpu a Hamor. Dalša milinarnja w Lippendorfje we wokrjesu Lipsk słuša šwedskemu koncernej hromadźe z energijowym koncernom EnBW w Karlsruhe.

Hódnota brunicoweje sparty a jeje płaćizny njejsu hišće jasne. Magnus Hall, šef koncerna, signalizowaše, zo so brunicowe hospodarstwo za Šwedsku wudani. Fachowcy rěča wo cyłkownej hódnoće někak dweju do třoch miliardow eurow. Koncern wjedźe hižo dlěši čas rozmołwy ze wšelakimi zajimcami. To su mjez druhim pólske energijowe předewzaće Polska Grupa Energetyczna (PGE), němski koncern Steag kaž tež čěskej koncernaj České energetické závody (CEZ) a Energetycký a průmyslový holding (EPH), kotremuž słuša srjedźoněmska brunicowa towaršnosć Mibrag. Nětko je so jako zajimča tež šwedska wotnožka wobswětoškitneje organizacije Greenpeace přidružiła.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND