Vattenfall wuznawa so k zamołwitosći za Serbow w brunicowym regionje
Budyšin/Choćebuz (SN/JK). We wobłuku lětneho zetkanja na Gižkojskim kuble (Geisendorf) su wčera zastupjerjo Domowiny a energijoweho koncerna Vattenfall potwjerdźili, tež klětu kooperaciske dojednanje z lěta 2007 dale wjesć. Tak podpěruje koncern znowa projekty, kotrež zachowuja a spěchuja serbsku rěč a kulturu w brunicowym regionje. Hižo minjene lěta je so poradźiło, z pomocu Vattenfalla njeličomne předewzaća zwoprawdźić, dokumentowane w lětnje wuchadźacych publikacijach.