Vattenfall zawrje blokaj, pušćenja zawodnych přičin dla pak njeplanuje
Choćebuz (SN/at). Energijowy přewrót zwjazkoweho knježerstwa ma łužiskich hórnikow a energijownikow za swojich sobu najwótrišich kritikarjow. To je so wčera znowa wotbłyšćowało na 25. swjedźenju Borbory w Choćebuskej měšćanskej hali, na kotryž bě koncern Vattenfall přeprosył. Njezwučene napjate połoženje předewzaća mjez předawanskej proceduru, klimowymi narokami zwjazkoweho knježerstwa na kóšty brunicy a klimowej konferencu w Parisu bě tak jasnje kaž hišće ženje pytnyć. Braniborske a sakske knježerstwo pak stej hórnikam a energijownikam dale kruće poboku.