Na zhromadnej prezentaciji poručenje

póndźela, 25. januara 2016
artikl hódnoćić
(0 )
Na kónctydźenskich rjemjeslniskich wikach w Choćebuzu stajnje derje wopytane bě stejnišćo Drjowka. Tam předstajichu zastupjerjo towarstwow delnjołužiskeho města mjez druhim serbske nałožki a stare rjemjeslniske nastroje. Z pokazku předźenja na kołwróće a z debjenjom jutrownych jejkow wabjachu zdobom za wopyt Serbskeje tkalčernje Drjowk.  Foto: Michael Helbig Na kónctydźenskich rjemjeslniskich wikach w Choćebuzu stajnje derje wopytane bě stejnišćo Drjowka. Tam předstajichu zastupjerjo towarstwow delnjołužiskeho města mjez druhim serbske nałožki a stare rjemjeslniske nastroje. Z pokazku předźenja na kołwróće a z debjenjom jutrownych jejkow wabjachu zdobom za wopyt Serbskeje tkalčernje Drjowk. Foto: Michael Helbig

Łužiscy předewzaćeljo na rjemjeslniskich wikach znowa derje pobyli

Choćebuz (HA/SN). Wulka serbska chorhoj a k tomu wšelake serbske wabjenske hesła – to je mnohim z nimale 10 000 hosći sobotu a njedźelu na 26. Choćebuskich rjemjeslniskich wikach do woči kałało. Mjez 300 rjemjeslnikami z Choćebuskeje wokoliny a cyłeje Braniborskeje běchu zastupjerjo rjemjesła susodneje Sakskeje a dalšich zwjazkowych krajow kaž tež ze susodneje Pólskeje a Čěskeje. Serbske hornjo- a delnjołužiske firmy so tohorunja wobdźělichu a prezentowachu Zwjazk serbskich rjemjeslnikow a předewzaćelow (ZSRP) sedmy raz na zhromadnym stejnišću. Dohromady sydom serbskich rjemjeslniskich předewzaćow, štyri z Delnjeje a tři z Hornjeje Łužicy, bě zaso zastupjenych, po tym zo njeběchu hornjołužiscy loni na jubilejnych wikach pódla byli. Z hesłom „Štóž ćopłotu sej chwali – tón k Čornakecom smali.“ wabješe kachlestajer Šćěpan Čornak z Konjec za swoje dźěło. W swojim zawodźe ma mjeztym sydom přistajenych. Tež najstarši syn hižo w firmje dźěła.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND