Najebać niske mlokowe płaćizny ratarjo njezadwěluja
Budyšin/Zdźěr/Róžant (SN/JK). „My ratarjo smy najspušćomniši partnerojo na wsy. Najebać to towaršnosć njesprawnje z nami wobchadźa a politikarjo přihladuja. To njesmě być“. Z tymile słowami zahaji prezident burskeho zwjazka swobodneho stata Wolfgang Vogel njedawne zetkanje nimale 150 mlokowych producentow w sakskim Groitzschu.
Wokomiknite jara napjate połoženje nastupajo mlokowe płaćizny pohnuwa dźeń a wjace ratarjow, wo tym rozmyslować, hač mloko dale produkuja. Jeničce tuchwilu pobrachowace ruske wiki woznamjenjeja za ratarjow štyri centy mjenje dochodow na liter mloka.