Jenož w porjadnych črijach wutrajnje do swěta kročić

štwórtk, 03. měrca 2016
artikl hódnoćić
(0 )
Serbska trójka předawarkow w Kamjenskim črijowym domje na dobro kupcow wuspěšnje za jedyn postronk ćehnje. Tohodla tež Serbja rady pola Moniki Matcyneje, Kerstin Čornakoweje a šefiny Lucije Cyžoweje (wotlěwa) nakupuja abo so wot nich poradźować dadźa.  Foto: Jan Kral Serbska trójka předawarkow w Kamjenskim črijowym domje na dobro kupcow wuspěšnje za jedyn postronk ćehnje. Tohodla tež Serbja rady pola Moniki Matcyneje, Kerstin Čornakoweje a šefiny Lucije Cyžoweje (wotlěwa) nakupuja abo so wot nich poradźować dadźa. Foto: Jan Kral

Kamjenski črijowy dom na Hasy Rosy Luxemburg je mnohim znaty a luby. Tam će hišće wosobinsce poradźuja a wuběrnu kwalitu čriji poskićeja. Přez generacije su kupcy wobchodej swěrni wostali.

W swojich črijach mamy cyły dźeń wutrać. Tohodla dyrbja wone přijomne być a derje sedźeć. Porjadny črij je zakład, zo so derje čujemy.“ To je kredo mějićelki Kamjenskeho črijoweho domu Lucije Cyžoweje ze Serbskich Pazlic. Hižo 47 lět so wona wo wotpowědne wobuća za swojich swěrnych kupcow stara. Nětko hižo 23 lět samostatna předewzaćelka wě, što kupcy trjebaja, a je so tuž wusměriła na kwalitu a wosobinske poradźowanje. A je wuspěšna. Hižo lětdźesatki stara so ze swojimi předawarkami wo to, stajnje aktualnu a modernu načasnu kolekciju čriji za wšitke generacije a potrjeby w poskitku měć. Nimo čriji a škórnjow za žony, muži a dźěći poskića wona wulki wuběr domjacych čriji a toflow.

Na modu reagować

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND