Prěni raz do „kraja posměwka“

pjatk, 04. měrca 2016
artikl hódnoćić
(0 )
Jednaćelka Budyskeje pišćeletwarskeje firmy Eule Anne-Christin Eule je runje tak horda kaž wučomnica Huang Chunhan, zo smědźeše  swójbne předewzaće kralownu instrumentow za chinske město Xi’an twarić.  Foto: SN/Maćij Bulank Jednaćelka Budyskeje pišćeletwarskeje firmy Eule Anne-Christin Eule je runje tak horda kaž wučomnica Huang Chunhan, zo smědźeše swójbne předewzaće kralownu instrumentow za chinske město Xi’an twarić. Foto: SN/Maćij Bulank

Pišćeletwarska firma Eule instrument za chinsku wysoku šulu twariła

Budyšin (SN/MWj). Zo dóstawa Budyska pišćeletwarska firma Eule nadawki z cyłeho swěta, je dawno znate. Nětko pak je swójbne předewzaće prěni raz kralownu instrumentow za Chinu natwariło, a to za nowu koncertnu žurlu hudźbneje wysokeje šule sewjerozapadneho chinskeho města Xi’an. Dźesać metrow wysoki, jědnaće metrow šěroki a pjeć metrow hłuboki hudźbny nastroj ze štyrjomi manualemi, 67 registrami a 4 083 pišćelowymi pišćałkami tuchwilu roztwarjeja a jón potom do pjeć kontejnerow za­pakuja. Z nim wotjědźe łódź 23. měrca z Hamburga do Chiny, hdźež ma 3. meje dojěć. Potom změje šěsć pišćeletwarcow cyłkownje šěsć tydźenjow chwile, jón w hudźbnej wysokej šuli Xi’an natwarić. W dalšich 15 tydźenjach dyrbi intonator jednotliwe pišćelowe pišćałki zwukowym poměram na žurli přiměrić, tak zo budźe kralowna instrumentow kónc oktobra prěni raz zaklinčeć móc. Tole zdźělištaj dźensa jednaćelej firmy Anne-Christin a Dirk Eule nowinarjam.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND