Inowatiwne předewzaće produkciju rozšěriło
Hamor (SN/BŠe). Wona je jedna z najmodernišich čisćenskich připrawow dnowneje wody Europy a ma mjeno Čelno. Tak kaž bywša cyle blisko ležaca serbska wjes, kotraž bu wopor Wochožanskeje brunicoweje jamy. Nadawk Čelnjanskeje připrawy je wodu čisćić, kotruž z bliskeje jamy klumpaja. Hnydom pódla čisćernje je so Łutowske předewzaće produkciski a přirodny serwis zaměstniło, hdźež pódlanski produkt wuspěšnje předźěłuja, tak zo móžachu tam nětko produkciske płoniny rozšěrić.
