Schrift vergrößern
Něhdźe 250 wobdźělnikow je wčerawše štwórte protestne pućowanje iniciatiwneho zwjazkarstwa „Strukturnu změnu nětko – žane Wochozy II“ pod hesłom „Swjate su nam naše strony a wjeski“ zjednoćiło. Wot Slepoho hač do Rownoho demonstrowaše starša a młoda generacija zhromadnje. Na Rownjanskim sportnišću sćěhowachu wobdźělnicy na to narěče politikarjow a zwjazkow, kotřiž so za zachowanje regiona zasadźeja. Foto: Andreas Kirschke
Rowno (AK/SN). Łužica trjeba dołhodobnu, ekologisku a socialnje znjesliwu strukturnu změnu. To bě facit wčerawšeho protestneho pućowanja pod hesłom „Swjate su nam naše strony a wjeski“. Přeprosył bě na nje iniciatiwny zwjazk „Strukturnu změnu nětko – žane Wochozy II“. Něhdźe 250 wobdźělnikow kročeše wot Slepoho do Rownoho, hdźež so po tym politikarjo z narěčemi na nich wobroćichu.
