Nowe wuměnjenja žadaja sej nowe myslenje

srjeda, 27. apryla 2016
artikl hódnoćić
(0 )
Jan Otto je na njedawnym kongresu wuchodosakskeho dźěłarnistwa IG metal znowa dowěru dóstał jako społnomócnjeny wobwoda Budyšin a wuchodneje Sakskeje. Nowym nadawkam a wužadanjam chce młody dźěłarnik rady wotpowědować. Jeho ideje su načasne a na nowe wuměnjenja dźěłoweho procesa wusměrjene, nic jenož w metalowej branši.  Foto: Jan Kral Jan Otto je na njedawnym kongresu wuchodosakskeho dźěłarnistwa IG metal znowa dowěru dóstał jako społnomócnjeny wobwoda Budyšin a wuchodneje Sakskeje. Nowym nadawkam a wužadanjam chce młody dźěłarnik rady wotpowědować. Jeho ideje su načasne a na nowe wuměnjenja dźěłoweho procesa wusměrjene, nic jenož w metalowej branši. Foto: Jan Kral

Dźěłarnistwo IG metal wobwoda Budyšin a wuchodneje Sakskeje ma so přichodne lěta na nadawki wusměrić, kotrež nowa generacija dźěławych, ale tež dźěłarnikow ze sobu přinjese.

Dźěłowy swět Sakskeje, wosebje we wuchodnej Sakskej w regionje wokoło Budyšina a Zhorjelca je wosrjedź wulkich změnow. Pobrachowacy fachowy dorost, ale tež přiwótřene rozestajenja mjez dźěłodawarjemi a dźěłopřijimarjemi žadaja sej cyle nowe struktury w předewzaćach. Na to maja tež dźěłarnistwa reagować, chcedźa-li swojim nadawkam, dźěłaćerjow w swojich prawach zastupować, wotpowědować.

Nowe nadawki a wužadanja zmištrować a so znowa, nic jenož taktisce, na čas wusměrić je sej předewzał nowy społnomócnjeny dźěłarnistwa IG metal za wobwod Budyšin a wuchodnu Saksku Jan Otto­. Z Berlina pochadźacy młody muž je hižo wupruwowany a najebać młodosć nazhonity dźěłarnik. Hižo jako lokomotiwnik je so aktiwnje zasadźał w swojim dźěłarnistwje, kotrež njeje hakle znate stawkowych aktiwitow swojeho šefa Clausa Weselskeho dla.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND