Blidotenisowa sezonazahajena

srjeda, 19. septembera 2018
artikl hódnoćić
(0 )

Prěnje blidotenisowe mustwo DJK Konjecy je do hrajneje doby 2018/2019 w prěnjej wokrjesnej lize z poražku startowało. Pola TTC Wojerec II su sportowcy z Delan ze 4:11 podleželi. Pola dwójkow móžeštaj jeničce Maćij Kokla/Alojs Čóška dypkować, tak zo domjacy po prěnim kole z 2:1 nawjedowachu. W hrach jednotliwcow so ličba dypkow na stronje hosći wulce njepolěpši. Pětr Bejma zapisa sej dwaj ličakaj, André Čórlich jedyn. Maćij Kokla, Alojs Čóška, Michał Elstner a Frank Šołta mějachu swoju lubu nuzu ze swojim přećiwnikom, tak zo wostachu wšitcy bjez dypka.

W druhej wokrjesnej lize dyrbješe nowačk ST 1922 Radwor pola sylneho mustwa ST Hornja Hórka nastupić a přěhra tam 5:10. Z optimalnymi 2,5 dypkami bě Matijas Žur najlěpši Radworčan. Tež Gerat Kral z połdra a Markus Jurk z jednym dypkom běštaj ze sobu spokojom.

wozjewjene w: Sport
Prošu přizjewće so, chceće-li komentar podać

Serbska debata

nowostki LND