Domjacu hru přěhrali, derby wonka dobyli

póndźela, 18. měrca 2019
artikl hódnoćić
(0 )

FC Energija Choćebuz

– Karlsruheski SC 0:2 (0:1)

Zestawa domjacych: Rauhut – Weidlich, Müller, Matuwila, Schlüter (72. Geisler), Marcelo, Bohl (61. Hemmerich), Gjasula, Viteritti (88. Holthaus), Rangelow, Mamba

Tež přećiwo druhemu tabulki třećeje koparskeje ligi je FC Energija Choćebuz polěpšeny hrajerski wukon pokazała. Přiwšěm so jeje krótka wuspěšna serija (tři hry, sydom dypkow) torhny, dokelž wustupowaše znowa njewěsće, wosebje nastupajo wužiwanje šansow. Najprjedy šmórny třělwa ze zdalenosće Marcela de Freitasa (20.) jenož wo centimetry nimo wrotow, krótko po tym wotwobara Karlsruheski wrotar Benjamin Uphoff dalšu třělwu Brazilčana. Direktny wólny kop třěli Jürgen Gjasula (40.) snadnje wyše klětki, tak zo zwosta při snadnym nawjedowanju hosći, kotrež bě Marvin Pourié hižo w 5. min. docpěł, jako wón po cokorowej přihrawce rutinjeja Antona Finka cyle cool do dołheho kuta trjechi.

wozjewjene w: Sport
Prošu přizjewće so, chceće-li komentar podać

Serbska debata

nowostki LND