Z dypkom so spokojić dyrbjeli

wutora, 23. februara 2021
artikl hódnoćić
(0 )
Peter Spornberger (nalěwo, EHC Freiburg), Andrew Clark (srjedźa, Běła Woda) a Evan Mosey (naprawo, Freiburg) wojuja wo puk, Mosey pak z njefairnymi srědkami.  Foto: Thomas Heide Peter Spornberger (nalěwo, EHC Freiburg), Andrew Clark (srjedźa, Běła Woda) a Evan Mosey (naprawo, Freiburg) wojuja wo puk, Mosey pak z njefairnymi srědkami. Foto: Thomas Heide

Łužiske liški Běła Woda – EHC Frei­burg 3:4 po třělenju penal­tyjow (2:1, 1:2, 0:0, 0:1)

Minjeny štwórtk wječor witachu Běło­wodźanske lodohokejowe liški k nachwatanskej hrě mustwo z dalokeho Freiburga. K zadźiwanju wšitkich sedźeše jedyn z najlěpšich domjacych hrajerjow Kale Kerbashian jenož na tribunje. Po zdaću chcyše coach Chris Straube jenož raz testować, kak bjez njeho w defensiwje běži. Facit z partije pak je, zo by zawěsće mudrišo było Kanadźana zasadźić. Byrnjež Łužiske liški dosć derje wustupowali, pobrachowachu jim Kerbashianowe kreatiwne kaž tež lesćiwe akcije.

Hornjołužičenjo jara derje startowachu a wuhrachu sej někotre dobre móžnosće. W 11. a 12. min. trjechištaj Luis Rentsch po perfektnej přihrawce Brada Rossa kaž tež Benett Roßmy po rjanym soloběhu k nawjedowanju. Poprawom wupadaše wšitko za suwerenym nawjedowanjom, tola 31 sekundow do prěnjeje přestawki hosćo z Breisgauwa po wuběrnej kombinaciji na 1:2 skrótšichu.

wozjewjene w: Sport
Prošu přizjewće so, chceće-li komentar podać

Serbska debata

nowostki LND