Duel by zajimawe přirunowanje był

wutora, 07. apryla 2015
artikl hódnoćić
(0 )
Martin Kolan, nowy kapitan Budissy Budyšin, w akciji  Foto: T. Zettl Martin Kolan, nowy kapitan Budissy Budyšin, w akciji Foto: T. Zettl

Budissa Budyšin ma wot druheje poł­serije noweho kapitana. Z Martinom Kolanom je so w nadawku Serbskich Nowin Hanspeter Benad rozmołwjał.

Knježe Kolano, wy sće nowy kapitan­ koparskeho regionalneho ligista. Kak je k tomu dóšło, a bě to za Was překwapjace?

M. Kolan: Trenarjo su tak rozsudźili. W běhu sezony tajka změna přeco překwapja.

Hdźe sće z kopańcu započał?

M. Kolan: To bě w zjednoćenstwje Drježdźany 06-Laubegast. Za Budissu hraju wot julija 2013.

K połseriji je so Budissa hišće raz zesylniła. Sće z nowopřichadami spokojom?

M. Kolan: Dotal mam dobry zaćišć. Nowačcy su so spěšnje integrowali. Hódnoćić pak maja to trenarjo.

Što prajiće k ćahańcy nastupajo VFC Plauen? Wokoło insolwency a zestupa mu­stwa knježa dale njejasnosće.

M. Kolan: W mojimaj wočomaj je to katastrofa. Ligu z tajkimi problemami do druheje połserije pósłać je njemóžne. Za nas je wažne, zo su Plauenscy koparjo na sportowym polu na kóncu za nami. To rěka, zo mamy wjac dypkow. Insolwency dla su woni poprawom zestupnik, smědźa pak dale wo dypki hrać.

wozjewjene w: Sport
Prošu přizjewće so, chceće-li komentar podać

Serbska debata

nowostki LND