Mloko drje derje běži, ale ... poručenje

wutora, 05. meje 2015
artikl hódnoćić
(0 )
Mloko w dobrej kwaliće nadejić je dźěło Freda Lorenca w Hrańčanskim dejnym kombinaće. W nowej připrawje deja tam runo čas nje 24 kruwow a dodawaja tak wšědnje 11 200 litrow Heinrichsthalskej mlokarni w Radebergu.  Foto: SN/M. Bulank Mloko w dobrej kwaliće nadejić je dźěło Freda Lorenca w Hrańčanskim dejnym kombinaće. W nowej připrawje deja tam runo čas nje 24 kruwow a dodawaja tak wšědnje 11 200 litrow Heinrichsthalskej mlokarni w Radebergu. Foto: SN/M. Bulank

Wuskutki a sćěhi kónca mlokoweje kwoty su rozdźělne

Budyšin (SN/JK). Rjadowanje mlokoweje produkcije w krajach Europskeje unije z pomocu kwoty je 31. měrca wuběžało. Zamołwitosć a swoboda mlokoweje produkcije wróćitej so tuž zaso do rukow tych, kotřiž je wšědnje produkuja.

Mlokowu kwotu zawjedli běchu 1984 hladajo na tehdyšu nadprodukciju, dokelž měješe dochody producentow a dalše wobstaće jich zawodow zawěsćić. Wróćo zhladujo pak njeje wona planowane zaměry docpěła, njeje płaćizny stabili­zowała a njeje ani zadźěwała změnam w strukturach mlokoweje produkcije.

W ratarskich zawodach Budyskeho wokrjesa je so minjene lěta tež w mlo­kowej produkciji tójšto změniło. Nimo nowych hródźow inwestowachu zawody do načasneje dejenskeje techniki. Zaměr toho bě a je, produkciju mloka na ho­spodarsce spokojacym niwowje stabilizować. To cyle jednorje rěka wukon na kruwu zwyšić, wobstatk skotu rozšěrić a kóšty znižić.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND