Widźał,słyšał, napisał (25.09.17)
Awtor dźensa
Jan Hrjehor
„Něhdy hišće sensacija, dźensa uzus ...“ Kóžde lěto znowa startuja wyše šule kaž tež gymnazije z nowym 5. lětnikom do šulskeho lěta. W prěnjej hodźinje sporta je na Serbskej wyšej šuli Budyšin, mojej stajnej šuli, ale tež druhdźe z wašnjom, zo tworja sej wučerki a wučerjo za předmjet sport přehlad wo sportowych družinach a towarstwach, w kotrychž su nowe šulerki a nowi šulerjo ze sobustawom. Tak móža so lěpje na wubědźowanja přihotować a šulerjow do jednotliwych wuknjenskich wobłukow zapřijeć – na přikład jako přistajerku abo přistajerja we volleyballu abo za to, pokazować elementy ćěłozwučowanja.
Před lětomaj rjekny mi šuler, zo je lodohokejist Łužiskich liškow a zo dźěd jeho trójce wob tydźeń z Budyšina do Běłeje Wody na trening abo hry wozy. To bě za mnje sensacija, wšako njemějach w šulerskich rjadach dotal na kubłanišćach w Chrósćicach, Pančicach-Kukowje, Ralbicach, Worklecach kaž tež na Serbskim gymnaziju Budyšin hišće ženje žanoho lodohokejista.
W poslednjej sekundźe
Budissa Budyšin
– Germania Halberstadt 2:2 (0:0)
Zestawa domjacych: Ebersbach – Kunze, Patka, Hoßmang, Krawčik (83. Gehrmann), Milde, Weiß (81. Rosendo), Pfanne, Schmidt, Bönisch, Müller (71. Mack)
Sudnik Henry Müller hru poł hodźiny pozdźišo zahwizda, dokelž běchu hosćo sylneho wobchada na awtodróze dla přepozdźe dojěli.
Budissa bě w prěnim połčasu dominowace mustwo. Dwě wulkošansy měješe Toni Schmidt (4., 9.). Prěnju móžnosć Toma Nattermanna za hosći wrotar Mark Ebersbach wuběrnje wotwobara (23.). Tež Florian Beil Ebersbacha přewinyć njezamó (32.). Na tamnej stronje wuznamjeni so Paul Büchel, jako wotwobara třělwu Josefa Müllera (37.). Najebać dobre šansy podaštej so cyłkaj bjez wrotow do połčasa. Na hrě Budissy bě spóznajomne, zo bě so w zašłych hrach wjele sebjewědomja nasrěbała.
Sport (22.09.17)
Běhi wokoło Butroweje hory
Sportowe towarstwo TV Biskopicy přewjedźe 23. septembra 17. běhi wokoło Butroweje hory. Start a cil budźetej w Pikowje. Časowy plan: 14 hodź. – 0,6 km / 14.05 hodź. – 1,2 km / 14.15 hodź. – 2,5 km / 14.40 – 9,5 km / 15 hodź. – 5 km. Ze serbskich starterow steji Richard Paška na wubědźowanskej lisćinje. Rodźeny Kanečan je so za 9,5 kilometrow zapisał.
Treningowe lěhwo motocrossa
MC Jawora poskići 30. septembra treningowe lěhwo za wšitkich z motocrossowej mašinu, kotraž je sylniša hač 65ccm. Přizjewić móžeće so na motocrossowej čarje wot 9.30 hodź., započatk budźe w 10 hodź.
Dynamocamp w Delanach
Koparska šula Dynama Drježdźany zarjaduje w oktoberskich prózdninach zaso prózdninski camp w Ralbicach pola Sokoła Ralbicy/Hórki. Wot 9. do 13. oktobra smědźa tam dźěći (holcy a hólcy) wot 7 do 14 lět kóždy dźeń pod nawodom profesionelnych nazwučowarjow trenować. Camp płaći 194 eurow, swójby z wjacorymi dźěćimi dóstanu 10 procentow rabata. Dalše informacije pod www.dynamo-dresden.de
Kónctydźenska kopańca
23.9. 15:00 Drježdźanski SC
– SJ Chrósćicy
23.9. 15:00 ST Wulka Dubrawa
– ST Marijina hwězda
24.9. 13:00 SJ Chrósćicy II
– Natw. Němske Pazlicy
Hra hižodo přestawki rozsudźena była
SJ Chrósćicy
– FSV Nowosólc-Hródk 0:3 (0:2)
Zestawa domjacych: Králíček – Cyž, Hrdlitschka, M. Zahrodnik, Pöpel, Sentiwan, Henčl, F. Zahrodnik (46. Dórnik), Młynk (46. Domaška), Věchet (63. Bogusz), Němec
Wuslědki (21.09.17)
Krajna koparska klasa
Drježdźany-Strěžin – Weixdorf 1:1 (0:0)
Oderwitz – Neugersdorf II 2:0 (0:0)
Laubegast – Ćisk4:1 (1:0)
Trjebin – Borea Drježdźany 1:5 (1:1)
Nowe Město – Mužakow 5:2 (1:1)
Chrósćicy – Nowosólc-Hródk 0:3 (0:2)
1. FSV Oderwitz 5 14 : 6 13
2. ST Horni kraj-Sprjewja 5 15 : 8 10
3. LSV Nowe Město 5 21 : 16 9
4. ST Ćisk 5 9 : 12 9
5. Čerwjeno-běli Mužakow 5 18 : 10 8
6. SZ Drježdźany-Strěžin 5 13 : 6 7
7. FSV Nowosólc-Hródk 5 10 : 7 7
8. FC Neugersdorf II 5 6 : 5 7
9. ST Trjebin 5 6 : 14 6
10. SG Weixdorf 5 7 : 7 5
11. Laubegast 5 10 : 14 4
12. SJ Chrósćicy 5 8 : 12 4
13. SC Borea Drježdźany 5 11 : 20 4
14. Drježdźanski SC 5 13 : 24 4
wyša liga
Schott Jena – Biskopičanske KT 0:3 (0:0)
Jednota Kamjenc – Lok Stendal 0:0 (0:0)
VFC Plauen – SV Merseburg 4:1 (2:1)
1. Biskopičanske KT 5 17 : 3 15
2. VFC Plauen 5 8 : 1 13
3. FC International Lipsk 5 7 : 1 12
4. TV Askania Bernburg 5 5 : 1 11
Worklečenjo pokal zakitowali
Wólnočasni volleyballisća Viktorije Worklecy su turněr wo pokal spěchowanskeho towarstwa Serbskeho gymnazija Budyšin suwerenje dobyli a tak do serije „top-šěsć“ wuspěšnje startowali.
Je jónkrótne we Łužicy, zo wojuja serbscy volleyballisća prawidłownje na šěsć turněrach wo dypki při wysokim saku.
Prěni hrajny dźeń wuspěšny
W Hórkach so zaso wubědźili
Bobka z kobłu Cilku so z wicemištrom w mnohostronskim jěchanju stał
Za cyłk konjaceho sportoweho towarstwa při Klóšterskej wodźe Pančicy-Kukow bě 24. jěchanski turněr dosć poradźeny, za lokalneju matadorow Pětra Bobku z Miłoćic a Křesćana Zahrodnika z Chrósćic skerje nic. Mnohostronski jěchar Křesćan Zahrodnik bě sej sobotu z walachom Mighty Maxom ramjenjowe zhibadło skóncował. Pětr Bobka spotorha z kobłu Cilku njedźelu popołdnju na zakónčacym skakanju njetrjebawši wjele žerdźow. To jeho wězo chětro mjerzaše. Wobaj konjacaj sportowcaj měještaj po sobotnej dresurje a přezpólnym jěchanju jara dobre wuhlady na titul sakskeho mištra w mnohostronskim jěchanju – Miłočan z kobłu Cilku, Chróšćan z kobłu Namibiju. Pětrej Bobce zwosta na kóncu hišće titul wicemištra, Křesćanej Zahrodnikej pak dlěša zranjenska přestawka. Mytowali su na woběmaj dnjomaj hišće dalše domoródne dwójki, kotrež zawěsćichu sej dobyćersku seklu.
Wšitcy z wulkotnym wukonom
ST Haselbachtal
– SJ Njebjelčicy 1:2 (1:1)
Zestawa hosći: Hahn – Čornak, Hanuza, Deleńk, Hrjehor, Kral, Pawlik, Hommel, Schulze, Dubaw, Korjeńk (89. Domš)
We wonkownej hrě spjelnichu hrajerjo prěnjeho koparskeho mustwa Sportoweje jednotki Njebjelčicy nimale wšitke nadawki trenarja Handrija Krawčika. Wot wšeho spočatka steješe škit wěsće při wočakowanych spěšnych a strašnych nadběhach Haselbachtalčanow. Po konteru přez lěwu stronu posłuži Sandro Schulze Handrija Korjeńka, kotryž přihraty bul hnydom do dołheho kuta k nawjedowanju 0:1 zběhny (6.). Chrystof Dubaw pak třěli dwójce přez łatu (11.,17.) a Stefan Kral wrota tohorunja snadnje misny (27.). Po nadběhu přez prawu stronu z niskej třělwu do kuta pak poradźi so domjacym wurunać. Njebjelčenjo so dale wuspěšnje sylnym nadběham domjacych wobarachu. Tak so stronje při stawje 1:1 měnještej.
WORKWUB wšitkich zahorił
Druhi WORKWUB (WORKlečanske WUBědźowanje) je dorosćenym a dźěćom znowa tójšto wjesela wobradźił. Dźěći běhachu napřemo, mjetachu buliki a pospytachu so w dalokoskoku. Po kofejowej přestawce wubědźowachu so swójby w staflowym běhu. Tón přewjedźechu Worklečanki a Worklečenjo lětsa pod motom „Čiń sobu, čiń kaž tamni, čiń lěpje“. Sydom swójbnych mustwow wojowaše na parcoursu, kotryž wjedźeše přez wjacore zadźěwki, wo najlěpše časy. Nimo toho móžachu sej wotpisanja pjeć minusowych sekundow wubědźić, mějachu-li prawe wotmołwy na kwisowe prašenja.
Dobył je lětuše wurisanje team „Viktoria Łučny puć“ z jednej sekundu předskoka porno mustwu „Noten Chaoten“. Třeće městno wobsadźi team „Schorf Fale“.
Wulki dźak słuša Hozec swójbje, kotraž je wšo organizowała, wšitkim pomocnikam młodych swójbow, sportowemu towarstwu Viktoria Worklecy, Worklečanskej gmejnje, firmje ELDAKON a Šlapec pjekarni. Gernot Schweitzer
