Koncert za měrliwu mjezsobnosć

pjatk, 04. nowembera 2016 spisane wot:
Něhdźe 150 ludźi je so wčera wječor na koncerće za solidaritu na Budyskich Žitnych wikach zešło. Po nowych podawkach mjez požadarjemi azyla a prawicarjemi starosća so mnozy wobydlerjo tuchwilneje atmosfery w sprjewinym měsće dla. Z koncertom Drježdźanskeje skupiny Banda Internationale chcychu znowa znamjo měrliweje mjezsobnosće a tolerancy sadźić. Policija bě sylnje zasadźena. Mjeńše skupiny spytachu zarjadowanje mylić, přiwšěm wosta měrne. Foto: Christian Essler

Wuskutki wotwažować

štwórtk, 03. nowembera 2016 spisane wot:
Němcy su po wšěm swěće za wulku běrokratiju znaći. Kóždy je drje w swojim žiwjenju hižo nazhonjenja z „tej němskej běrokratiju“ zběrał. Wobšěrne zakonske teksty móža ći čuwy rubić. Poprawom maš sej doma swójski běrowowy čas zawjesć a najlěpje hišće běrow za wšitke swoje akty přihotować, zo by wšitko dokładnje rjadował. Kak pak so to potom předewzaćelam a rjemjeslnikam dźe, kotřiž so wšědnje z někajkimi čas rubjacymi dokumentacijemi bědźa? Normalnje wšak chcedźa swoje powołanje wukonjeć, přidatne dźěło w běrowje pak tomu zadźěwa. Zo móhli wšitke nadawki spjelnić, su tuž nadhodźiny trěbne a dawno hižo njerědke. Němske knježerstwo njeměło tuž nastajnosći něšto měnjeć, ale wo nowych zakonjach a předpisach dokładnišo rozmyslować. Poměr mjez kóštami a dobytkom kaž tež wuskutki na potrjechenych měli politikarjo wotwažować. Bianka Šeferowa

Atraktiwny poskitk a wobohaćenje turistam

štwórtk, 03. nowembera 2016 spisane wot:

Zły Komorow (AK/SN). Kulinariske měšćanske pućowanje po Złym Komorowje ma přichodnje stawizny a wokřewjenje zwjazać. „Domoródni měli so z městom znowa zeznajomić, turisća pak sej přez gastronomiju stawizny wotkryć. Woni waža sej regionalnu kuchnju a domizniske wudźěłki“, wuzběhny jednaćelka turistiskeho zwjazka Łužiska jězorina Kathrin­ Winkler w Złym Komorowje, hdźež je turistikarjam a nowinarjam koncept předstajiła. Zhromadnje z městom a partnerami bě wona poskitk wuwiła, kotryž hodźi so cyłe lěto knihować. Pućowanje wobohaća cyłkownje sydom stacijow, kaž kofejownja Kreuztor abo wobchod, hdźež móža sej zajimcy dary z wina abo druhich delikatesow zestajeć.

„Z nowym měšćanskim wodźenjom hodźa so stawizny a stawiznički derje zwjazać. Pućowanje je aktraktiwne wobohaćenje turistam. Tak wabimy za swoje historiske stare město“, hódnoćeše wodźerka po měsće Christine Treuger. Poskićeć chce turistiski zwjazk krótše wodźenje we wobjimje 2,5 hodźin a dlěšu wariantu třoch hodźin.

Nětko tež w Lessingowym měsće

štwórtk, 03. nowembera 2016 spisane wot:

Kamjenc (aha/SN). Prjedy hač je zawčerawšim w Kamjencu pjekarnja klóštra Marijineje hwězdy swój wobchod wote- wrěła, bě tam hižo minjenu sobotu Bu­dyski předewzaćel Jan Kubaš zhromadnje z dr. Carstenom Pfeiferom swój wosebity wobchod „noha a črij“ wotewrěł.

Jan Kubaš bě 1986 na Serbskej polytechniskej wyšej šuli w Budyšinje pruwowanja srjedźneje zrałosće złožił a nawukny na to powołanje mašinotwarca. Po přewróće studowaše w Goslaru zawodne hospodarstwo a dźěłaše po tym we wulkim koncernje w krajach cyłeho swěta. Před dwanaće lětami rozsudźi so zhromadnje z fachowcom za ortopediske wobuća dr. Pfeiferom, kotrehož dźěd a nan běštaj šewcaj, na Budyskich Mjasowych wikach wotewrěć specielny wobchod za ortopediske črije, z kotrymž žněješe spěšnje dowěru kupcow.

Jenož ruku w ruce

srjeda, 02. nowembera 2016 spisane wot:
Ličby dopokazuja, zo je minjene lěta wjace turistow Łužicu wopytało. Wočiwidne je to wosebje w Błótach a we łužiskej jězorinje, kotrež pak tež hoberske mnóstwa statnych pjenjez dóstawachu. Z turizma móža dźensa hižo mnozy žiwi być, štož je wězo zaměr zwičnjenja teje hospodarskeje branše. Tak sej tež turistiske cyłki kaž Marketingowa towaršnosć Hornja Łužica-Delnja Šleska hłowu łamaja, kak bychu přichodnje hišće wjace pućowacych do Hornjeje Łužicy přiwabili. Při tym pytaja sej partnerow kaž Domowinu a dalše serbske institucije, kotrež sej mjez sobu na wšelakich runinach přidźěłuja. Wšako chcedźa so turisća tež z nami Serbami, našej kulturu, rěču, stawiznami a žiwjenskimi wašnjemi zezna­jomić a zarjadowanja wopytać – nic jenož k jutram. Tuž jedyn tamnemu pomha, wědźo,­ zo nječakaja jenož w muzejach na hosći,­ ale tež w hosćencach a wob­chodach. Měrćin Weclich

Předewzaća pytaja sobudźěłaćerjow

srjeda, 02. nowembera 2016 spisane wot:

Ličba bjezdźěłnych tež w Hornjej Łužicy hižo dlěši čas woteběra. Přiwšěm su tudyši­ předewzaćeljo dale zwólniwi, w swojim zawodźe nowych sobudźěłaćerjow přistajić.

Zaručeja njezapomnity dowol

štwórtk, 27. oktobera 2016 spisane wot:

Pančicy-Kukow (JK/SN). W Sakskej přežiwjeja kóžde lěto mnozy turisća z kraja a wukraja swój dowol. Turizm je jedna z hospodarskich zepěrow swobodneho stata. Wulki podźěl na tym ma towarstwo Krajny dowol w Sakskej ze sydłom w Miłoćicach, kotrež bě wčera na swjatočne zarjadowanje k 25lětnemu wobstaću towarstwa do Pančičanskeho klóštra přeprosyło. Na swjatočnosć witaše předsydka Patricia Wissel nimo čłonow towarstwa mjez druhim statneho sekretara w sakskim ministerstwje za ratarstwo a wobswět Herberta Wolfa kaž tež zastupjerjow spěchowanskich institucijow towarstwa a komunalnych politikarjow.

Łódź do praweho směra wodźić

srjeda, 26. oktobera 2016 spisane wot:

Předewzaće Inowatiwna domowa technika Rječka-Čornak w Kamjenej, wobstejace 26 lět, je jedne, kotrež swojim kupcam přeco zaso nowe technologije poskića. Bianka Šeferowa je so ze załožerjom Tomašom Rječku rozmołwjała.

Waše předewzaće so zaměrnje dale wuwiwa. Što Was pohonja?

T. Rječka: Wot wšeho spočatka mje technika jara zajimuje. To je mój metjej a tak sčasom pytnu, do kotreho směra so trend wuwiwa. Tomu bě tež tak, jako so 1990 zesamostatnich. Dwaj měsacaj pozdźišo je so mi Konrad Čornak z Wotrowa přidružił. Tohodla rěka předewzaće tež Rječka-Čornak. Tehdy wuwiwaše so cyle nowy směr tepjenjow na zakładźe wolija a płuna. Kónc 90tych lět slědowachu technika kondensatnych kotołow a regeneratiwne energije. Wažny krok bě twar biopłunoweje připrawy w Radworju. Sym jón dokładnje sćěhował. System, ćopłotu a milinu zwjazać, je trend časa. Na zakładźe toho wuwi so Radworska bliskoćopłotna syć. Highlight je nětko paliwowa cela. Po tychle krokach smy sobu jako prěni tele technologije nałožowali.

Kelko sobudźěłaćerjow maće?

Za moderne tepjenske móžnosće

srjeda, 26. oktobera 2016 spisane wot:

Za nowe energijowe systemy zahorja so Měrćin Bohot z Kamjeneje. Na staršiskej ležownosći je sej hižo milinu produkowacy wětrnik twarił. Dale steji tam rotěrowaca, přeco na słónco wusměrjena solarna připrawa. Z nowej techniku zaběra so Kamjenjan tež w předewzaću Tomaša Rječki, hdźež je zamołwity za blokowe tepjernje (BHKW). Připrawa wobsteji z motora, ćěrjeneho z wolijom abo płunom, a z generatora, kotryž milinu produkuje. Přez motor nastata ćopłota so za tepjenje wužiwa. Blokowe tepjernje hodźa so w najwšelakorišich wulkosćach do domskich zatwarjeć. „Wotwisnje je to wot domskeho a swójskeje potrjeby“, 36lětny wuswětla. Produkty šěsć firmow Kamjenjanske předewzaće poskića. Měrćin Bohot­ je so w tymle wobłuku wukmanił a wotpowědne certifikaty za hladanje a porjedźenje tajkich připrawow złožił.

Hobby nětko powołanje

srjeda, 26. oktobera 2016 spisane wot:

Michał Wencl bě 16 lět stary, jako započa so w Kamjenjanskim tepjenjotwarskim předewzaću Rječka-Čornak na twarca centralnych tepjenjow a přewětrjenskich připrawow wukubłać. Wón bě prěni wučomnik předewzaćela Tomaša Rječki. Hač do dźensnišeho tam dźěła. Mjeztym pak je 40lětny w předewzaću zamołwity za hłubokotwar. Tole je so na zakładźe hobbyja tak wuwiło.

nawěšk

  • 21. jolka-swjedźeń w Nuknicy je nimo. Štož zwostanje su dopomnjenki na rjany žortny a zabawny wječor w Nukničanskej Brězanec bróžni. Někotre impresije serbskeho wječora w Nuknicy, kotrež je naša fotografowka-wolontarka Hanka Šěnec zhotowiła, wam tule
  • Serbske Nowiny-LND-Tuchmacherstr. 27 02625 Bautzen: Jolka 12.01.2019
  • Serbske Nowiny-LND-Tuchmacherstr. 27 02625 Bautzen: Jolka 12.01.2019

nowostki LND