Młodej talentaj SGB w Sakskej sobu prědku

wutora, 09. junija 2015
artikl hódnoćić
(0 )
Tydźenja wotmě so w Budyšinje 24. sakski nalětni pokal w spěšnosankowanju. Vivien  Jäckel (nalěwo) bu štwórta, Malyn Lehmann doby hólču konkurencu w starobnej skupinje „młodźina C2“. Wobaj chodźitaj do 5. lětnika Budyskeho Serbskeho gymnazija.  Foto: Měrko Korjeńk Tydźenja wotmě so w Budyšinje 24. sakski nalětni pokal w spěšnosankowanju. Vivien Jäckel (nalěwo) bu štwórta, Malyn Lehmann doby hólču konkurencu w starobnej skupinje „młodźina C2“. Wobaj chodźitaj do 5. lětnika Budyskeho Serbskeho gymnazija. Foto: Měrko Korjeńk

24. nalětni pokal w spěšnosankowanju wotměli

Nimo wuspěšnych volleyballistow a koparjow na Serbskim gymnaziju Budyšin (SGB) so tež dalši šulerjo w druhich sportowych družinach wo prědnje městna na krajnej runinje sobu wubědźuja. Vivien Jäckel a Malyn Lehmann z rjadownje 5-3 stej talentaj w spěšnosankowanju. Wobaj wobdźělištaj so na prěnim wubědźowanju spěšnosankowarjow noweje sezony, a to na Budyskej lětnjej sankowanskej čarje. Wona je 200 metrow dołha, je z betona a ma šěsć křiwicow. Sportowcy docpěwaja na swojich sankach ze 16 rólkami spěšnosć hač do 40 km/h. Nimo atletow SZ Budyšina-sewjer wobdźělichu so spěšnosankowarjo z Kamjenicy, Zwickauwa, Oberwiesenthala a Altenberga, hdźež skónči so potom sezona w zymje na lodźanej pisće. W sprjewinym měsće doby Malyn přećiwo konkurency sydom starterow w sumje třoch běhow z 1:06,34 mjeńšin, sobušulerka Vivien bu z 1:09,12 mjeńšinami pjata.

wozjewjene w: Sport
Prošu přizjewće so, chceće-li komentar podać

Serbska debata

nowostki LND