Hrajnu dobu z předswědčiwym dobyćom zakónčili

póndźela, 22. junija 2015
artikl hódnoćić
(0 )
Po hrě je so trenarske duwo Falk Kunze/Dirk Rettig (wotlěwa) z koparjemi a zamoł witymi Sportoweje jednotki Chrósćicy rozžohnowało a so za dwě lěće zhromadneho dźěła dźakowało.  Foto: Jörg Stephan Po hrě je so trenarske duwo Falk Kunze/Dirk Rettig (wotlěwa) z koparjemi a zamoł witymi Sportoweje jednotki Chrósćicy rozžohnowało a so za dwě lěće zhromadneho dźěła dźakowało. Foto: Jörg Stephan

SJ Chrósćicy

– Póst Germania Budyšin 4:1 (1:0)

Zestawa domjacych: Teschner – Dehn, Schulze, Pohling, Teichmann, Zahrodnik, Bětnar, Runt, Hawš, Žur, Šafář

Po dobrych wukonach w druhej poł­seriji su Chróšćanscy koparjo tež swoju posled­nju hru sezony 2014/2015 dobyli. Wuslědk sam wšak ničo wo jasnej pře­waze njewupraja. Šansow, hišće wyše dobyć,­ bě dosć a nadosć. Wot wšeho spočat­ka duela tłóčeše hosćićel Budyšanow do defensiwy. Wosebje Zahrodnik a Dehn přez křidle strašnje nadběho­wa­štaj. Štwórć hodźiny pak traješe, prjedy hač prěni króć we wrotach přećiwnika zaklin­ka. Feliks Zahrodnik přeběža w srjedźnym polu, z rjanej fintu posłuži Petra Šafářa, kiž njeměješe žane problemy, bul wušiknje wyše wrotarja k 1:0 do saka zběhnyć. Najebać dalšu přewahu a składnosće nochcychu pak změrowace druhe wrota padnyć. Po prěnim strašnym nadběhu hosći we 38. min. smokny Tittel bul do hornjeho třiróžka, ale wrotar Marco Teschner jón fantastisce wotpjasćowa.

wozjewjene w: Sport

Galerija

dalši wobraz (1) Dwubój z hrajerjom Pósta Germanije je Richard Hawš jasnje dobył.
Prošu přizjewće so, chceće-li komentar podać

Serbska debata

nowostki LND