Zahrodnik snadnje před Handrikom

póndźela, 20. julija 2015
artikl hódnoćić
(0 )
Konjace sportowe towarstwo při Klóšterskej wodźe Pančicy-Kukow měješe kónc tydźenja na startowych lisćinach tež mjena wjacorych lokalnych matadorow. Najwuspěšnišej běštaj Křesćan Zahrodnik z Namibiju a Měrko Handrik z Air Jordanom. Na wobrazu widźimy dwójki Clemens Bobka/Leonardo, Pětr Bobka/Cilka, Křesćan Zahrodnik/Namibia a Hana Brězanec/Major Tom (wotlěwa). Sandra Ludwig Konjace sportowe towarstwo při Klóšterskej wodźe Pančicy-Kukow měješe kónc tydźenja na startowych lisćinach tež mjena wjacorych lokalnych matadorow. Najwuspěšnišej běštaj Křesćan Zahrodnik z Namibiju a Měrko Handrik z Air Jordanom. Na wobrazu widźimy dwójki Clemens Bobka/Leonardo, Pětr Bobka/Cilka, Křesćan Zahrodnik/Namibia a Hana Brězanec/Major Tom (wotlěwa). Sandra Ludwig

6. mjezynarodny mnohostronski jěchanski a skakanski turněr w Hórkach přewjedli

Hač do wčerawšeho wubědźowaše so ně­hdźe 120 jěcharkow a jěcharjow w Hórčanskim stadionje. Při horcych tempe­raturach a před něhdźe 1 000 přihlado­warjemi wojowachu tež wjacori lokalni matadorojo wo prědnje městna. Tak startowaštaj Křesćan Zahrodnik z konjom Namibiju a Měrko Handrik z 20lětnym Air Jordanom w mjezynarodnym pruwowanju CCI*.

Po dresurje pjatk wječor a po přez­pólnym skakanju sobotu wotmě so wčera skakanje přez lochce spadowace zadźěwki. W tymle zakónčacym wurisanju móhł so Měrko Handrik před Křesćanom Zahrodnikom zaměstnić, wšako dźěleše jeju jenož 0,9 dypkow. Zahrodnik pak by dyrbjał wšitke zadźěwki spotorhać a Handrikej dyrbjała so nula bjez jenič­keho zmylka poradźić. K tomu wšak njedóńdźe. Po połhodźinskej přestawce wosrjedź pruwowanja njewjedra dla bě jasne, zo je Křesćan Zahrodnik w mjezynarodnym wubědźowanju třeći a Měrko Handrik štwórty. Wulke to wjeselo mjez přiwiskom domjacych jěcharjow kaž tež mjez přihladowarjemi.

wozjewjene w: Sport
Prošu přizjewće so, chceće-li komentar podać

Serbska debata

nowostki LND