Na kóncu kaž wšudźe

póndźela, 28. septembera 2015
artikl hódnoćić
(0 )
 Njesměrnje woblubowany a najebać to ćisnjeny: trenar FCE Stefan Krämer  Foto: Georg Zielonkowski Njesměrnje woblubowany a najebać to ćisnjeny: trenar FCE Stefan Krämer Foto: Georg Zielonkowski

Wot prěnjeho dnja je trenar FC Energije Choćebuz Stefan Krämer koparsku gmejnu we Łužicy wobkuzłał.

Wotewrjena wjesołosć, kotraž njeje so w žanej fazy přećiwo awtogramam abo wobrazam z nimi wobarać móhła, je Porynčana hnydom ke kóždeho lubuškej sčiniła. Dalše plusowe dypki wobradźi jemu fakt, zo je loni w lěću z 22 koparjow spěšnje nowe mustwo sformował. Słaby druhi dźěl sezony 2014/2015 a jězba do doła w aktualnej hrajnej dobje wot načolnika k zestupnemu kandidatej wjedźeše k tomu, zo je so wjednistwo FC Energije Choćebuz (FCE) wot trenarja Stefana Krämera wotwobroćiło. „Rozsud bě za nas pře wšu měru ćežki. Stefan Krämer bě wot prěnjeho dnja z cyłej wutroby a hoberskim angažementom při wěcy. Hišće młode sportowe wuwiće pak wohroža naše cile. Njewidźimy žanu druhu móžnosć, tak zo dyrbimy poziciju šeftrenarja změnić“, wopodstatni prezident FCE Wolfgang Neubert krok.

wozjewjene w: Sport
Prošu přizjewće so, chceće-li komentar podać

Serbska debata

nowostki LND