Wjace wrotow so nadźijeli, přiwšěm dobyli

póndźela, 07. měrca 2016
artikl hódnoćić
(0 )
Toni Kunze (naprawo), zymski nowopřichad Chróšćanskeje SJ, docpě w druhim połčasu změrowace 2:0 přećiwo hosćom z Wachauwa.  Foto: Clemens Šmit Toni Kunze (naprawo), zymski nowopřichad Chróšćanskeje SJ, docpě w druhim połčasu změrowace 2:0 přećiwo hosćom z Wachauwa. Foto: Clemens Šmit

SJ Chrósćicy

– TSV Wachau 2:1 (0:0)

Zestawa domjacych: Králíček – Pöpel, Cyž, Šafář (75. Bogusz), Bětnar, Kunze, Runt, Zahrodnik, Dehn (75. Młynk), Schulze, Domaška

Njedźelu běše koparski cyłk z Wachauwa hósć na Chróšćanskim sportnišću. Hačrunjež steji tón na zestupnym městnje, běše wčerawša partija wšo druhe hač jednora. Wosebje mustwa z pincy tabulki chcedźa jasnych faworitow mjerzać a jim hru tak ćežku kaž móžnu sčinić. Jich strategija: zady z dwójnej murju škitać a do ofensiwy přez dołhe bule a spěšne kon­tery so předrěć. Tak abo tróšku podob­nje wčera tež bě. Domjacy jasnje dominowachu, sej stajnje bul tam a sem třě­lachu, na swobodne haski łakachu, wjele flankowachu a pospytachu so z kopami ze zdalenosće. Přiwšěm so jim w prě­nim połčasu žane wrota njeporadźichu. Jónu drje klinkaše w saku hosći, pobóč­ny sudnik­ pak rozsudźi na dwělomnu nimohru­. Dwójce steješe žerdź na pu­ću, a tamne pospyty klětku misnychu. Na stronje hosći hodźi so jeničce dwělomna jědnatka naspomnić. Chróšćenjo běchu z rozsudom wšo druhe hač pře­zjedni a wrotar Petr Králíček třělwu wotwobara.

wozjewjene w: Sport
Prošu přizjewće so, chceće-li komentar podać

Serbska debata

nowostki LND