Přepołoženje železniskeje čary wulka tema

štwórtk, 12. julija 2018
artikl hódnoćić
(0 )
We Wuskidźi a w Rěčicach su wčera a předwčerawšim wobydlerjam plany rozło žili, kak přepołožić železnisku čaru Choćebuz–Zhorjelc.  Foto: Jost Schmidtchen We Wuskidźi a w Rěčicach su wčera a předwčerawšim wobydlerjam plany rozło žili, kak přepołožić železnisku čaru Choćebuz–Zhorjelc. Foto: Jost Schmidtchen

Rěčicy/Wuskidź (JoS/SN). Plan, přepo­łožić železnisku čaru Choćebuz–Zhorjelc, su zamołwići Němskeje železnicy (DB) a energijoweho koncerna LEAG wčera w Rěčicach rozłožili. Wudobywanja brunicy w Rychwałdskej jamje dla je trjeba čaru přepołožić. „Tema njeje nowa“, rje­kny nawoda projekta DB za nowu čaru Uwe Berger. „Přepołoženje bě hižo 1994 do brunicoweho plana zapisane“. Wot to­ho­ časa njeje naprawa wjele lět nikoho zajimowała, tež Rěčičanskich a Wuskidźanskich gmejnskich radźićelow nic. Mjeztym pak so něšto hiba, wšako chcedźa projekt hač do lěta 2026 zwoprawdźić, a to dźě hižo wjac tak dołho njeje. Po lońšim zahajenju planowanjow je DB jako wobsedźerka čary mjeztym hižo w fazy, twar předplanować.

Planowane dotal je, najprjedy jednu čaru po cyłkownje 13 kilometrach pře­połožić. „Hižo nětko pak mamy zaměr, cyłu čaru mjez Choćebuzom a Zhorjelcom na dwě čarje wutwarić a elektrifi­kować, zo móža ćahi ze spěšnosću hač do 160 kilometrow na hodźinu jězdźić. Dwójce twarić nochcemy“, Uwe Berger rjekny. Na mjenowanych planach wusměrja tež warianće za Rěčicy a Wuskidź.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND