Nazyma w měsće

pjatk, 05. oktobera 2018
artikl hódnoćić
(0 )
Nimale 50 čłonow towarstwa Němčanskeho wětrnika a jich partnerojo su so tele dny na wulět do wokoliny Pirny podali. W Bad Gottleubje wopytachu historiski młyn, w kotrymž muku mlěja a drjewo rězaja (na wobrazu). Dalši cil bě barokna zahroda w Großsedlitzu.  Foto: Achim Nowak Nimale 50 čłonow towarstwa Němčanskeho wětrnika a jich partnerojo su so tele dny na wulět do wokoliny Pirny podali. W Bad Gottleubje wopytachu historiski młyn, w kotrymž muku mlěja a drjewo rězaja (na wobrazu). Dalši cil bě barokna zahroda w Großsedlitzu. Foto: Achim Nowak

Budyšin. Na Hłownym torhošću a na Bohatej hasy swjeća zajutřišim, njedźelu, Budyski nazymski swjedźeń. Wot 13 do 18 hodź. su wobchody wočinjene. Nimo toho budźe mała přehladka domjaceho skotu Helmec ratarskeho zawoda z Jitka widźeć. Na Hłownym torhošću móža so dźěći na słomjanych walčkach wucychnować. Tež live-hudźba zaklinči. A na Bohatej budźe 190 metrow dołha kofejowa tafla spřihotowana.

Nowy termin dźěłarnički

Žuricy. Swoju rězbarsku dźěłarničku ­wo serbskich bajach planuje Spěchowanski kruh za serbsku ludowu kulturu 26. a 27. oktobra pola rězbarja Alojsa ­Šołty w Žuricach. Wobdźělenje płaći pjeć eurow za dźěći a młodostnych, 20 eurow za dorosćenych. Drjewo přewostaji rězbar, trěbny grat njech sej kóždy wobdźělnik sam sobu přinjese. Zajimcy maja so hač do 19. oktobra pod telefonowymaj či­słomaj 03591/ 550 108 (wotmołwjak) abo 0172/ 916 94 55 (Alojs Šołta) abo ­e-mailnje pod přizjewić.

Nazymski koncert z kofejom

wozjewjene w: Z městow a wsow
Prošu přizjewće so, chceće-li komentar podać

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND