„Sće dobri posoljo rěče“ poručenje

štwórtk, 11. apryla 2019
artikl hódnoćić
(0 )
Najlěpši serbšćinarjo Łužicy su so wot póndźele na olympiadźe serbskeje rěče wubědźowali. Wčera dóstachu swoje wopisma. Z  Delnjeje Łužicy docpě sydom šulerkow predikat jara derje. Najlěpši maćernorěčni šulerjo 6. lětnika z Hornjeje Łužicy su Milena  Šołćic, Liana Krječmerjec a Jakub Mark. Foto: SN/Maćij Bulank Najlěpši serbšćinarjo Łužicy su so wot póndźele na olympiadźe serbskeje rěče wubědźowali. Wčera dóstachu swoje wopisma. Z Delnjeje Łužicy docpě sydom šulerkow predikat jara derje. Najlěpši maćernorěčni šulerjo 6. lětnika z Hornjeje Łužicy su Milena Šołćic, Liana Krječmerjec a Jakub Mark. Foto: SN/Maćij Bulank

Šulerjo olympiadu serbšćiny z dobrymi wukonami zakónčili

Wodowe Hendrichecy (SN/BŠe). Najlěpši, mjenujcy cyłkownje 97 serbšćinarjow 6. lětnikow šulow Hornjeje a Delnjeje ­Łužicy, su so wot pońdźele na lětušej 53. olympiadźe serbskeje rěče we Wodowych Hendrichecach wobdźělili. „Zwjeselace je, zo bě mjez nimi 36 šulerjow z Delnjeje Łužicy“, zdźěli předsydka Serbskeho šulskeho towarstwa Ludmila Budarjowa, kotrež wubědźowanje organizuje. Šulskemu towarstwu poboku su wučerjo, kotřiž zarjadowanje akribisce přihotuja. Lětsa dojednachu so wučer w Slepom Jan Hrjehor jako hłowny koordinator, wučerka Radworskeje wyšeje šule Sabina Jurencec, wučer Budyskeho Serbskeho gymnazija Metod Šołta a wučer w Slepom Ludwig Eckert na hłownu temu lěs. A kaž wuslědki šulerjow dopokazuja, hodźeše so z njej jara derje dźěłać. Tak zhotowichu plakaty a kreatiwny přednošk, kotryž bě jako ertne pruwowanje a skupinske dźěło zapołoženy. Kaž zamołwići rozprawjachu, docpěchu olympionicy dobre rěčne wukony při pisanju nastawka.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND