Při skale zaklinči folk

pjatk, 14. junija 2019
artikl hódnoćić
(0 )

Miłoćicy. Rjane dožiwjenje lubi folkowy hudźbny wječor při Miłočanskej skale jutře, sobotu, wot 19 hodź. Wo hudźbu postaraja so kapale Sangre de Muerdago a Grift kaž tež hudźbnik Jacke Schwarz. Při darmotnym zastupje móža wopytowarjo při lěhwowym wohenju sedźo na hudźbu słuchać, abo tež podłu skały dundać a sej zaso raz tam nastate wuměłstwowe twórby zašłych rězbarskich dźěłarničkow wobhladać. Čłonojo towarstwa Kamjenjak zaruča ćělne derjeměće nadźijomnje prawje wjele wopytowarjow z rustikalnej jědźu a napojemi.

Druhi hrodowy koncert

Njeswačidło. Lětuši druhi hrodowy koncert je zajutřišim, njedźelu, w 15 hodź. na Njeswačanskim hrodźe. Wjeselić móža so hosćo na Drježdźansku mecosopranistku­ Elisabeth Letocha. Ju přewodźa na klawěrje Pi-Wei Chuang. Na wosebite wašnje zjednoća spěwarka najwšelakoriše hudźbne žanry kaž operetu, musical, filmowu hudźbu a šansony. Koncert mjenuje so „Gelassenheit“. Pod tymle hesłom wotewru po pře­stawce wustajeńcu samsneje wuměłče. Njeswačanske domizniske a kulturne towarstwo wšitkich zajimcow lubje přeproša.

wozjewjene w: Z městow a wsow
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND