Z resursu lutować poručenje

srjeda, 14. awgusta 2019
artikl hódnoćić
(0 )
Čorny Halštrow je na sewjeru Noweje Wsy dospołnje wusaknył. Ani błóto tam žane  wjace njeje. Dale na sewjeru ćeče woda z Horjanskeje rjedźenskeje připrawy do rě ki, ale něšto stow metrow dale je rěčnišćo znowa suche.  Foto: Gernot Menzel Čorny Halštrow je na sewjeru Noweje Wsy dospołnje wusaknył. Ani błóto tam žane wjace njeje. Dale na sewjeru ćeče woda z Horjanskeje rjedźenskeje připrawy do rě ki, ale něšto stow metrow dale je rěčnišćo znowa suche. Foto: Gernot Menzel

Łužiske wodźizny nimaja wody dosć

Budyšin (SN/BŠe). Mjez Choćebuzom a Budyšinom nastawa tuchwilu najwjetša kumštna jězorina. Po cyłym regionje pak njeje wody dosć, znajmjeńša w lěću nic. Hižo loni bě połoženje chětro napjate, tež lětsa wjele hinak njewupada.

Kaž koncern Łužiska energija a milinarnje (LEAG) zawčerawšim zdźěli, nje­budu přichodnje žanu wodu ze Sprjewje brać, zo móhli jězor na sewjeru Choće­buza zapławić. Přičina je trajaca suchota. Něhdźe 80 procentow wody za 19 kwadratnych kilometrow wulki jězor ma ze Sprjewje přińć. Kaž rěčnica LEAG wuswětli, běchu suche periody do wobličenjow hižo sobu zapřijeli. Hač do lěta 2024 ma jězor tuž po planje zapławjeny być. Hdy budu wodu zaso ze Sprjewje brać móc, hišće­ jasne njeje. Nanajpozdźišo nazymu pak ma woda zaso z łužiskeje rěki do jězora ćec. Choćebuska wobswětowa sku­pina Zelena liga postupowanje kritizuje. Hladajo na wulku płoninu jězora a hoberske wuparjenje to wodowu bilancu wobćežuje. Mjeńši a hłubši jězor na tym městnje by problem trochu pomjeńšił.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND