Z hodownej hru znowa připóznaće žnjeli

srjeda, 18. decembera 2019
artikl hódnoćić
(0 )
Wulce wćipni běchu Jasčenjo tež lětsa zaso na kóždolětnu hodownu hru, kotruž wjesnjenjo sami stajnje sami pisaja a předstajeja.  Foto: Pětr Zahrodnik Wulce wćipni běchu Jasčenjo tež lětsa zaso na kóždolětnu hodownu hru, kotruž wjesnjenjo sami stajnje sami pisaja a předstajeja. Foto: Pětr Zahrodnik

Z dobrej tradiciju stej w Jaseńcy kóžde lěto w hodowniku dwaj podawkaj: beneficny koncert skupiny PoŠtyrjoch w Rynčec bróžni a adwentnička w kulturnym domje „Bjesada“. Za to su mnohe přihoty trěbne. Najrjeńši dźak zarjadowarjam tuž je, hdyž mnozy – młodźi kaž stari – połni wočakowanja přichwataja. Dźěći wjesela so najbóle na wopyt rumpodicha, starši skerje na nowu hodownu hru.

Při čiłej bjesadźe – w tak wulkej ličbje so Jasčenjo hewak lědma zetkaja –, při dobrym kofeju a słódnym wosušku je so čas tež lětsa spěšnje minył. Dujerjo Njeswačanskeje wosady přitomnych znowa ze swojimi adwentnymi a zymskimi melodijemi zawjeselichu, starajo so wo duchowne a dušine wokřewjenje Jasčanow. Z wutrobnym přikleskom a małym darom so woni hudźbnikam dźakowachu.

wozjewjene w: Serbski powěstnik
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND