600 porodow a dalši certifikat

štwórtk, 09. januara 2020
artikl hódnoćić
(0 )
Rady witany hósć je we Wojerowskej klinice z města pochadźacy profijowy kopar Tony  Jantschke. To bě pacientam dźěćaceje kliniki njedawno zaso wulke wjeselo, jako jim Jantschke dary sobu přinjese a jim awtogramy signowaše. Foto: Gernot Schweitzer Rady witany hósć je we Wojerowskej klinice z města pochadźacy profijowy kopar Tony Jantschke. To bě pacientam dźěćaceje kliniki njedawno zaso wulke wjeselo, jako jim Jantschke dary sobu přinjese a jim awtogramy signowaše. Foto: Gernot Schweitzer

Lěto 2019 bě za Wojerowski klinikum łužiskeje jězoriny přewšo wuspěšne. Nimo­ hojenja pacientow jako najwažniši nadawk móžachu chorowni tež wšelake­ certifikaty wobkrućić.

Wojerecy (SN/mwe). Loni je so we Wojerowskej chorowni 615 dźěći narodźiło. Mjez nowonarodźenymi běchu wjacore dwójniki. Přirunujo z lětom do toho je tam 43 holcow a hólcow wjace na swět přišło. Tuchwilu maja w klinice 440 łoži za pacientow, wo chorych stara so ně­hdźe tysac přistajenych, a zaměstnjenych je tam 14 medicinskich klinikow a fachowych wotdźělow. Personalej přisłušeja tež serbscy lěkarjo a chorobne sotry a dalši hladarjo, kotřiž so ze serbskimi pacientami rady w swojej maćeršćinje rozmołwjeja.

Prawidłownje su w foyeru wšelake wustajeńcy tež za měšćanow a dalšich zajimcow přistupne. Hižo pjaty króć je k hodam profijowy kopar Tony Jantsch­ke, kiž z Wojerec pochadźa a tučasnje w mustwje Borussija Mönchengladbach hraje, dźěćacu staciju kliniki wopytał. Tajke a podobne překwapjenki hojenju tyja a wuprudźeja wjeselo.

wozjewjene w: Socialne
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND