Dožiwjenski dwór „ryba“ poručenje

štwórtk, 26. měrca 2020
artikl hódnoćić
(0 )
Łužiska jězorina skići telko móžnosćow a rjanych městnow, hdźež hodźi so derje wudźić – tež w času pandemije wšak je to zasadnje dowolene, maš-li so po aktualnych prawidłach zakazanych socialnych kontaktow. Wothladajo wot priwatneho sporta su nětko rybarjo, turistikarjo, hosćencarjo a dalši iniciatorojo ideje rozjimali, kak móhli widźomnosć a znatosć łužiskeje ryby dale šěrić. Foto: Gernot Menzel Łužiska jězorina skići telko móžnosćow a rjanych městnow, hdźež hodźi so derje wudźić – tež w času pandemije wšak je to zasadnje dowolene, maš-li so po aktualnych prawidłach zakazanych socialnych kontaktow. Wothladajo wot priwatneho sporta su nětko rybarjo, turistikarjo, hosćencarjo a dalši iniciatorojo ideje rozjimali, kak móhli widźomnosć a znatosć łužiskeje ryby dale šěrić. Foto: Gernot Menzel

Wo idejach rozmyslowali, kak móhli znatosć łužiskeho wudźěłka šěrić

Budyšin (SN/BŠe). Rybjace štabiki kaž tež całtu z łososom, matjesom a z harjenkom kóždy znaje, kiž rady rybu jě. A móže łužiska ryba runje tajku znatosć docpěć? Potencial tu na kóždy pad je, su sej fachowcy wěsći, kotřiž so hižo dlěje ze zwičnjenjom łužiskich wudźěłkow zaběraja. Na dwěmaj dźěłarničkomaj su zajimcy – rybarjo, turistikarjo, hosćencarjo a dalši iniciatorojo – konkretne ideje zběrali a rozjimali. Prěnjorjadnje dźěše wo to, kak móhli widźomnosć a znatosć łužiskeje ryby dale šěrić. Nowe zwičnjenske strategije měli skónčnje k wjetšim na­prašowanjam wjesć. Wšitcy běchu sej přezjedni, zo ma region jako tajki w fokusu wostać a za to wotpowědny logo wuwić. Tež we wobłuku turizma skići łužiska ryba tójšto móžnosćow. Hižo wobstejace poskitki dyrbjeli zamołwići bóle na nju wusměrić a wšelakich akterow, kaž hatarjow, hosćencarjow a turistikarjow, wušo hromadu wjesć.

wozjewjene w: Hospodarstwo
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND