Wulki cirkus na šulskim swjedźenju

srjeda, 23. septembera 2020
artikl hódnoćić
(0 )
Swjedźeń Křesćanskeju šulow we Wóslinku je krótko po zahajenju noweho šulskeho lěta woblubowany wjeršk za wuknjacych a jich staršich, ale tež za wučerjow, kotřiž tam mnohich bywšich šulerjow zetkawaja.  Foto: Daniela Jawinski Swjedźeń Křesćanskeju šulow we Wóslinku je krótko po zahajenju noweho šulskeho lěta woblubowany wjeršk za wuknjacych a jich staršich, ale tež za wučerjow, kotřiž tam mnohich bywšich šulerjow zetkawaja. Foto: Daniela Jawinski

Njedawny swjedźeń Křesćanskeju šulow we Wóslinku bě zaso dobra składnosć zetkanja a bjesady, wosebje wučerjam, rozmołwjeć so z něhdyšimi šulerjemi, kotřiž su nětko zaso raz kubłanišćo wopytali. Nawodaj šulow Kerstin Hörig a Steffen Günther witaštaj hosći do swjedźenskeho stana z nazymsce pyšenymi blidami. Po nyšporje z fararjom Michaelom Nicolausom a po krótkej narěči noweho wjesnjanosty Johannesa Nitzsche wustupichu šulerjo ze swojim cirkusom EVMOLINO. Tak móžachu wšitcy wobdźiwać dompterku hada. Swoju akrobatisku dokonjanosć předstajištej Johanna Schöne a Eva Domscheck ze 7. lětnika. Runje tak imponowacy běše poskitk Lary Rieger ze 6. lětnika na jednokole. Cirkusowa direktorka Anna z rjadownje 9a měješe swoju nuzu z klawnomaj Wilhelmom a Juliusom. Za kulojty program přijachu šulerjo wutrobny přiklesk. Na to zesydachu so sobu na ławki za blidami, a wšitcy zhromadnje swačachu.

wozjewjene w: Serbski powěstnik
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND