Wažne je sej zwisk mjez wučerjemi, šulerjemi a staršimi wobchować
Budyšin (SN/MiR). Šulerjo maja dale doma wuknyć. Srjedu je sakske ministerstwo za kultus wozjewiło, zo wostanu šule hač do 6. februara zawrjene a zymske prózdniny budu krótše. Za to maja so jutrowne wo něšto dnjow podlěšić. Jeničce za wuknjacych wotchadnych rjadownjow zmóžnja prezencnu wučbu hižo wot 18. januara. Starši su tuž dale wužadani, dokelž maja swojim dźěćom při spjelnjenju nadawkow poboku być, kotrež jim wučerjo sćelu.