Łužiske lěkarnje na nowe postajenja nahubnikow dla přihotowane
Budyšin/Slepo/Pančicy-Kukow/Njeswačidło/ (SN/bn/at). Přichodnje płaći tež w Sakskej přiwótřena winowatosć, w zjawnym wobchadźe a při nakupowanju sej nós a hubu zakrywać. Dokładny datum chce kabinet na nowy tydźeń wozjewić. Hinak hač w tamnych zwjazkowych krajach pak njebudźe w swobodnym staće tak mjenowany FFP2-nahubnik obligatoriski, operaciski je runje tak dowoleny. W ručnym dźěle zhotowjene modele, rubiška abo šawle jako škit pak potom wjace njeakceptuja. Přeńdźenja móža z pokutu hač do 60 eurow chłostać.