Krótkopowěsće (01.04.21)

štwórtk, 01. apryla 2021
artikl hódnoćić
(0 )

Serbske gmejny njejsu ćežišćo

Budyšin. Incidencna hódnota w Budyskim wo­krjesu je znowa zwyšena. Po wozjewjenju RKI wučinja wona 155,5. Wčera zličichu 157 dalšich natyknjenjow, jedna wosoba je zemrěła. W serbskich a dwurěčnych gmejnach je mało infekcijow. Zwjetša maja tam pod dźesać pozitiwnymi padami – Worklecy, Njebjelčicy a Pančicy-Kukow samo wjacore dny za sobu scyła žadyn. W Zhorjelskim wokrjesu zličichu wčera 105 nowoinfekcijow, incidencu podawa RKI ze 183,2.

Portugal klětu hóstny kraj wikow

Lipsk. Wotprajenja Lipšćanskich wikow 2021 dla přestorča za lětsa planowany wustup hóstneho kraja Portugala na klětu. We wobłuku zarjadowanja „Lipsk čita ekstra“ wot 27. do 30. meje prezentuje so Portugal hižo z digitalnymi a analognymi zarjadowanjemi. Lětsa wuńdźe něhdźe 50 knihow z Portugala a portugizišćinu rěčacych krajow w němskej rěči.

Přihotuje modelowe projekty

wozjewjene w: Krótkopowěsće
Prošu přizjewće so, chceće-li komentar podać

Serbska debata

nowostki LND