Krótkopowěsće (28.04.21)

srjeda, 28. apryla 2021
artikl hódnoćić
(0 )

Po 30. juniju w praksach šćěpja

Budyšin. Šćěpjenskej centrumaj w Kamjencu a Lubiju runja dalšim we wokrjesach dźěłatej jenož hač do 30. junija. Potom maja praksy domjacych lěkarjow šćěpjenje pře koronawirus zaručić, kaž sakske socialne ministerstwo zdźěli. W Budyskim wokrjesu zwěsćichu wčera 72 natyknjenjow z koronu a dwaj smjertnej padaj. Incidenca po RKI je dźensa 227,9. We wokrjesu Zhorjelc mějachu 130 infekcijow a dwaj smjertnej padaj. Incidenca je tam dźensa po RKI 195,1.

Spěchuje socialne bydlenja

Drježdźany. Sakska wudawa wjace pjenjez za socialne bydlenja. Po wčera wot kabineta wobzamknjenej spěchowanskej směrnicy přewostaja lětsa a klětu po 74,3 milionach eurow, zo bychu tajke bydlenja twarili a saněrowali. Mějićeljo bydlenjow, kotřiž njemóža žanu modernizaciju financować, dóstanu spěchowanje, zo móhli nisku podruž dale zaručić.

Markus Pieper nowy jednaćel

wozjewjene w: Krótkopowěsće
Prošu přizjewće so, chceće-li komentar podać

Serbska debata

nowostki LND