New York w Hornjej Łužicy?

wutora, 14. septembera 2021
artikl hódnoćić
(0 )

W Budyskim a Zhorjelskim wokrjesu pytaja wuspěšne předewzaća

Budyšin (SN/BŠe). Za dwaj měsacaj spožča zaso Hornjołužiske předewzaćelske myto, za kotrež hodźa so hišće hač do 24. septembra namjety podać. Hłowne hesło wuznamjenjenja je lětsa New York. Što pak za tym tči, a kak so Hornja ­Łužica w nim jewi?

Z lětušim hesłom Hornjołužiskeho předewzaćelskeho myta njezwjazuja metropolu USA New York, ale dźe wo filozofiju Frithjofa Bergmanna. Wusměrjenje předewzaća skići sobudźěłaćerjam nowe móžnosće, nańć balansu mjez swójskim dźěłom a žiwjenjom. Organizatorojo předewzaćelskeho myta, Marketingowa towaršnosć Hornja Łužica-Delnja Šleska, reaguja tak na měnjate ramikowe dźěłowe wuměnjenja. Dźěłowy swět dźě so runje w zwisku z digitalizaciju přeměnja. Situacija a wužadanja kołowokoło korony wuwiće samo pospěšeja. Předewzaća a předewzaćeljo we wjesnych kónčinach maja wjetše ćeže, wuměnjenjam wotpowědować. Wopřijeće New York zjednoća měnjacy so dźěłowy swět a z tym zwisowacu filozofiju.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND