Schrift vergrößern
Dźěći Ralbičanskeje pěstowarnje přepodachu hosćom minjeny pjatk korbik ze samoplahowanymi płodami. Nawodnica kubłanišća Jadwiga Nukowa (nalěwo) jim pozadk rozjasni. Płody dźělić dyrbjachu sej Roland Ermer, Alojs Mikławšk, Birgit Weber, dr. Frank Pfeil a Hubertus Ryćer (wotlěwa, wšitcy CDU). Foto: Jan Kral
Sakske statne ministerstwo za regionalne wuwiće a Budyski wokrjes wobkrućatej, zo móža w Ralbicach nowu pěstowarnju twarić.
Ralbicy (JK/SN). Hdyž pjatk popołdnju pěstowarske dźěći dlěje w swojim přebywanišću wostanu a su kubłarki a kubłarjo napjeći, da na něšto čakaja. A hdyž so jim přidruža wjesnjanosta, gmejnska rada a zastupnicy nošerja pěstowarnje, pokazuje to na wulku wěc.
