Z wobchodom dźěru płata(8. a kónc)

srjeda, 15. septembera 2021
artikl hódnoćić
(0 )
Veronika Biele je ze swojim Hodźijskim wobchodom, hdźež tójšto posłužbow poskića a hdźež ma šwalčernju zarjadowanu, přewšo spokojom.  Foto: Carmen Schumann Veronika Biele je ze swojim Hodźijskim wobchodom, hdźež tójšto posłužbow poskića a hdźež ma šwalčernju zarjadowanu, přewšo spokojom. Foto: Carmen Schumann

Na wsy wobchod měć dźensniši dźeń wjace samozrozumliwe njeje. We wobłuku lětušeho lětnjeho seriala smy so na­ wsach rozhladowali, zo bychmy swojim čitarjam tón abo tamny wjesny wobchod předstajili.

Ze šwalču so stać bě přeco hižo són Ve­roniki Biele. Dźensa pak wot dźěła z jehličku a cwornom samym wjac žiwy być njemóžeš. Nimo toho je rodźena Žitawčanka jedna z poslednich swojeho stawa w Hornjej Łužicy. Jej pak so w Hodźiju woprawdźe derje dźe, a to dźakowano ­jeje wobchodźikej z mjenom „Verflixt und zugenäht“ na nawsy, kotryž wot lěta 2019 wjedźe. Tón je woprawdźita křinja dźiwow. W zadnim dźělu něhdźe 100 kwadratnych metrow wulkeho wobchoda ma knjeni Biele šwalčernju zarjadowanu. W prědnim dźělu předawarnje poskića wona wšitko, štož za wšědne zežiwjenje trjebaš.

wozjewjene w: Lokalka

Galerija

dalši wobraz (1)
Prošu přizjewće so, chceće-li komentar podać

nawěšk

nowostki LND