Wojerecy (SN/MWj). Wot lětušeho apryla saněruja na kromje Wojerec nasyp při Čornym Halštrowje a Čornicy. Do nasypa su železnu murju zatwarili a jón tak zesylnili. Nimo toho přepołožichu wodowód, kiž w nasypje ležeše. Třeći twarski wotrězk wopřijima přetwar roły, kotraž Čorny Halštrow pod wodu a pod zemju prěkuje. Wona pochadźa z 1980tych lět. Dźěła maja nazymu 2022 wotzamknjene być a płaća 2,2 milionaj eurow. Je to zhromadny projekt Krajneho zarjadnistwa rěčnych zawěrow, města Wojerec a tamnišich zastaranskich zawodow.